蟹點

營業中

休息中

最近呢個西邨嘅街市重新裝修完之後進駐左唔少高質餐廳，而呢次我哋去嘅蟹點就係其中一間高質嘅餐廳。呢間蟹點佢哋菜式種類好多，主要分為泰式，潮式同埋粵式。招牌白胡椒蟹：嚟到蟹點聽個名都知要試吓佢哋啲蟹啦！而佢哋採用嘅肉蟹勁大隻，佢哋精挑細選出每隻嘅重量維持喺接近一斤半。我哋呢次叫左係佢哋嘅招牌白胡椒蟹，佢哋肉質鮮美，大大隻勁厚肉，而因為蟹肉屬寒涼所以用胡椒炒就最啱，加上用白胡椒炒唔會太濃搶哂蟹嘅鮮味，兩者互相配合，仲有就係白胡椒味辛而不辣，所以連唔嗜辣嘅都會鍾意。泰式炒金邊粉：擺盤精緻，炒得好夠鑊氣，乾濕度適中，味道酸酸甜甜，仲有4隻大大隻爽口嘅大蝦，非常滿足。生蝦刺身：生蝦新鮮爽口，蘸埋呢度嘅身製醬汁，鮮味就更為突出。薑蔥瓦罉焗鮮魚腸魚卜：喺上檯時侍應會再加隻蛋喺大大嘅瓦罉，將經已好惹味嘅魚卜同埋魚腸一齊攪勻，令魚卜同魚腸增添多份蛋香味。豉椒炒蟶子皇：蟶子size勁大，肉質爽口彈牙，鮮味十足，加埋豉椒嚟炒就更惹味。椰青：清甜清爽，消暑解渴一流。珍多冰：泰式特飲，椰汁甜度得宜口味得宜，加埋綠色粉條，令口感變得豐富。