水門雞飯 (汀角路) (已結業)

泰國菜從來都係我最愛🥰，哩間主打水門雞飯綠色🐔logo咁醒神既嘜頭係大埔開分店，一於嚟懲罰下佢。水門雞飯 $50雞肉入口幾嫩滑，不過雞味🐓唔濃，醬汁酸酸辣辣，配埋個有雞油香既油飯，令人食指大動。泰式豬手飯 $50泰式豬手🐷有別於一般滷水豬手就係冇咁鹹同多咗啲香料嘅味道，呢度就煮得好有泰國嘅味道，豬手炆得好淋，豬皮充滿骨膠原。同樣配上油飯🍚，非常配合。泰式辣雞絲湯粉 $45比想像中辣嘅湯底，辣味🌶比酸味更加出眾，雞絲份量都好充足，我覺得係幾有驚喜嘅味道。整體黎講都唔錯，飯類都會附送一碗雞骨湯🥣，有冬瓜係入面，胡椒味比較重。唯一不滿就係啲坐位無咁舒服，所以食完買多份外賣就走💸。