影片
更多
2022-07-05
4901 瀏覽
朋友生日竟然提議去釣蝦場？！講真，呢類合家歡節目，點啱我哋呢啲閨蜜飯局呢？但為咗唔想掃朋友雅興，响網上俾到泰夯蝦，可以一邊撈蝦一邊燒，仲有其他海鮮、泰國菜、燒烤、甜品、飲品。就佢啦！午市放題三小時，晚市就得兩個半鐘 （因為要做兩場啩！）衡量過都係食午市好啲。今日早咗啲少少去到，竟然同主角同lift，原來佢今日11點9左右就送蝦嚟，隻隻紮紮跳，一蘿蘿困都困唔住，好新鮮呢！👍🏻店內都好大好闊落吓。座位可以揀卡位，或者缸邊。如果兩位就建議坐缸邊，可以直接撈蝦，其樂無窮。如果兩位以上就最好坐卡位，比較闊落啲，枱又大啲可以放多啲嘢食，但缺點就要去公共區撈蝦，遠少少咁啦！😅店員幫你開爐後會教你點燒海鮮。新鮮蝦要放落去冰筒凍暈佢再燒，貝殼類要放咩位，仲幫你開蠔，服務真係好好。至於食物方面，我只想講「新鮮嘅食材，往往只需要最簡單嘅烹調，就做出最鮮嘅味道。」啲蝦同海鮮新鮮成咁點會唔好食？冇可能唔好食啦！燒蠔，鮑魚都新鮮、彈牙、爽口。我同朋友食咗唔知幾多轉，好滿足。除咗海鮮外，店內仲有其他燒烤食品，有豬肉、牛肉、串燒、魷魚、蔬菜（有啲似韓燒放題咁）。但我哋今次主力食蝦、蠔、鮑魚，所以就好少食豬牛肉類喇！至
午市放題三小時，晚市就得兩個半鐘 （因為要做兩場啩！）衡量過都係食午市好啲。今日早咗啲少少去到，竟然同主角同lift，原來佢今日11點9左右就送蝦嚟，隻隻紮紮跳，一蘿蘿困都困唔住，好新鮮呢！👍🏻
店內都好大好闊落吓。座位可以揀卡位，或者缸邊。如果兩位就建議坐缸邊，可以直接撈蝦，其樂無窮。如果兩位以上就最好坐卡位，比較闊落啲，枱又大啲可以放多啲嘢食，但缺點就要去公共區撈蝦，遠少少咁啦！😅
店員幫你開爐後會教你點燒海鮮。新鮮蝦要放落去冰筒凍暈佢再燒，貝殼類要放咩位，仲幫你開蠔，服務真係好好。
至於食物方面，我只想講「新鮮嘅食材，往往只需要最簡單嘅烹調，就做出最鮮嘅味道。」啲蝦同海鮮新鮮成咁點會唔好食？冇可能唔好食啦！燒蠔，鮑魚都新鮮、彈牙、爽口。我同朋友食咗唔知幾多轉，好滿足。除咗海鮮外，店內仲有其他燒烤食品，有豬肉、牛肉、串燒、魷魚、蔬菜（有啲似韓燒放題咁）。但我哋今次主力食蝦、蠔、鮑魚，所以就好少食豬牛肉類喇！
至於其他熟食，味道同一般泰國菜館差唔多質素，絕對唔hea做，有生菜包（豬肉碎）、炒粉絲、炒飯、冬陰公、炒東風螺、咖哩蝦、青木瓜沙律、泰式無骨鳳爪、炸香蕉、炸蝦餅、炸煎堆、炸蝦片……
甜品有泰式椰汁糕、班蘭糕、西米糕、蕃薯糖水、雪糕、雪條、飲品任飲。爽！
雖然話就話食三小時，但全程又要燒又要夾，真係好忙。可惜眼闊肚窄，如果個胃再大啲就好喇！約定屋企人下次再去過。
張貼
