泰好餸 (已結業)

平時食中式三餸飯食得多，聽同事講大角咀泰好餸有泰式兩餸飯。$42可以任選2個餸，再加$8可以升級至三餸飯。全日供應12款不同菜式，每一款菜式都吃出泰國的味道。除了三餸飯之外，餐廳亦有好多泰國特色小菜可供選擇，今日就同老公過嚟試吓。餐廳裝修簡潔，老闆和員工都係泰國人，真係好有泰國feel。泰式秘製燒雞：即叫即燒，燒雞燒得肉質軟滑而不乾，外皮香脆而且非常入味。配上兩種泰式醬汁，有辣有唔酸甜，使味道提升不少！乾炒鮮蝦河：炒得又香又夠鑊氣，用濶身嘅泰式河粉特別有口感，鮮蝦大隻好爽口。兩餸飯除咗外賣還可以堂食，揀咗豬手和咕嚕魚配白飯，咕嚕魚是酸酸甜甜的開胃餸菜，魚肉冇骨啖啖肉，食落好滑溜。豬手夠林又入味，加埋自制泰式豬手汁，配飯一流。飲品重有優惠，鹹檸七鹹甜交雜，冰涼可口。