小曼谷海鮮燒烤屋

營業中

休息中

呢間泰式料理最好嘅就係唔淨止有泰菜，仲有多款串燒。叫咗串燒虎蝦，好大隻，好多蒜蓉，一份有三隻。蒜蓉味夠香，蝦都算幾新鮮。冬陰功湯味道酸酸辣辣，而且好足料，有好多菇同埋蝦，蝦同更加非常爽口大隻！鹹魚炒椰菜苗，鹹鹹地好惹味，而且有少少辣味。椰菜苗炒得幾乾爽，好香鹹魚味。好耐冇食過生蝦刺身，就叫咗。生蝦刺身好爽口，好大隻，夾埋辣椒同蒜頭食好好味呀！ 佢仲有好多唔同嘅串燒同海鮮都好吸引，下次一定要嗌多啲試下。