藍象泰國餐廳 (已結業)

聖誕就到，又喺俾藉口自己買嘢嘅時候啦，同班靚太喺尖沙咀港威行到倦倦地見有啲餓就搵地方醫肚，經過呢間俾佢門口個雀籠Tea set吸引到，而且喺泰式未試過就入去試吓。鳥籠分咗三層，傳統食法都是由底層食起底層：泰式比利時炸蝦，泰式春卷，香脆蝦餅，配泰式辣醬炸蝦酥脆香口，蝦肉扎實彈牙，炸漿與蝦之間還夾了一層綠色味道似蟹膏的醬更能提升蝦的鮮味，而蝦餅同春卷都做得唔差中層：馬可，柚子蟹肉沙律卷，皇家宮殿蒸餃子沙律卷細細件一啖一口，食落幾清新鮮味，蒸餃子造型賣相可愛，餡料豐富帶少許辣味，而馬可應該是指菠蘿上面粒啡色物體，質感煙韌還有堅果粒，甜甜哋帶椰香頂層：暖心榴槤撻，班蘭撻，泰式辣朱古力撻皮做得既薄且鬆脆，餡料幼滑，榴槤味極濃，而朱古力質感似慕司，唔太甜，但食後辣味慢慢湧上嚟，幾特別套餐包咖啡或茶，但見到加$25可以試到水仙芒果糯米飯沙冰當然要試吓啦芒果香甜，沙冰質感綿滑帶椰香，底部還有糯米飯碎粒有趙口，正。