泰廚泰國菜館

營業中

休息中

香港泰式食肆林立，除左九龍城多泰國菜館之外，旺角區都唔算少，今次光顧呢間泰厨位於旺角通菜街。為免人多擠逼，我地下午五時許已到餐廳，二樓有很多卡位，較為闊落。串燒好大串，豬肉和雞肉都幾滑，燒得幾香又唔太乾，沙爹醬汁好惹味。海南雞份量十足，肉質雞香滑溜，酸甜椰菜絲好醒胃。酸辣鳳爪沙律幾惹味，酸辣適度，鳳爪爽脆可口。馬拉盞炒椰菜苗好夠鑊氣，青綠椰菜苗夾著陣陣咸香，爽脆可口。泰式牛肉湯河嘅上湯好清甜，完全冇落味精，河粉亦很爽滑。咸檸梳打很夠氣，勁過一般嘅汽水，冰涼好解渴。