泰廚 (已結業)

今日lunch 同同事諗緊食乜野，同事提議話想食泰國菜。但係想係香港搵返正宗泰式船河既味道，唔係咁容易，好彩之前聽人介紹過呢區新開既餐廳。呢間性價比超高既泰廚食肆，餐廳走精緻泰菜路線，環境融入SPA 的概念，有播放住令人放鬆的RELAXING MUSIC同埋流水擺設，身心都覺得平靜。 我地坐底後就揀左個泰式牛肉湯河共HKD 68, 河粉比較幼身，有D痴埋一舊，但整體都好有泰國風味。值得一贊係佢個牛丸，彈牙有牛味，湯頭濃而不油膩，有雲吞脆片和牛片牛腩。唔覺意加錢叫埋蝦餅魚餅，炸得非常出色，一定要試試。