真心泰國菜館 (已結業)

今日和同事到旺角見客，又到食午飯時間，上次去過朗豪坊隔離座大廈朗晴坊食，已想食這間泰國菜，今日终於有機會試下。這間真心泰國菜館，裝修绝對泰國feel, 餐廳座位雖然較迫， 但勝在臺是一排排，加上座位有好多，今日午飯時間全場爆滿， 非常熱鬧。看了餐牌，食物種類選擇很多，由於非常肚餓，最後不停點點點，點了泰式菠蘿炒飯、 泰式濕炒河、 泰式炸蝦餅(4件)和 馬拉盞炒通菜， 款款都是我自愛。泰式菠蘿炒飯， 雖然沒有菠蘿盛載， 但材料豐富,份量亦多， 炒得好夠鑊氣，非常惹味。泰式濕炒河， 以雞肉為主， 河粉雖然炒到一舊舊， 但湯汁美味，食落非常開胃。泰式炸蝦餅， 我的至愛食物， 食泰國菜必要之一， 蝦餅炸得非常香脆，蝦肉新鮮， 好有咬口，肉身彈牙鮮甜。最後馬拉盞炒通菜， 味道香濃， 通菜食落口感好爽口，新鲜菜， 加上分量其多，美味。食完咁多嘢，最後店主還送了兩碗糖水：椰汁西米露，非常窩心，好滿足呀。