小曼谷海鮮燒烤屋

營業中

休息中

九龍城出名多正正嘅泰國餐廳 今日黎呢間真係好impressive 店員招呼周到 食物大件夾抵食 仲見到佢嘅裝潢 碗碟 餐具果啲都係用左黃色做主題 好有活力嘅感覺🤣食物方面 我地要左客黃咖喱牛腩 配薄餅食 咖喱唔係辣嘅 但好香 質感幾creamy 牛腩都好稔 完全唔痴牙 而做嘅傳統薄餅新鮮整出黎 熱辣辣 有少少脆口 咬開見到好細緻 一層層嘅蘇皮皮質 好正 配上咖喱完全係絕配💕另外試左味我地從未試過嘅 原隻魷魚筒釀糯米飯 本身都諗住百幾蚊 唔算貴 唔會太大碟 點知真係好大隻魷魚！入面糯米飯塞得好實 超抵食🤩 魷魚燒得好香 邊邊位有少少微焦 非常正最後佢嘅肉片炒河都好唔錯 雖然唔係啲咩特色野 只係一個平凡嘅小炒 但佢好夠鑊氣嘅香味 但食完又唔覺太熱氣 仲要唔係落好多油去炒 整體都好值得一讚🤫