新泰東南亞餐廳 (已搬遷) 新店位置

今日去到灣仔做野，港島區同事話上次係灣仔食左間泰菜吾錯，價錢都合理，所以我地2個今日星期六收工就過去食下。去到大約一半坐滿左，裝潢好有泰國風，以木為主，今次我地坐係2人桌都坐得舒服，而待應不久就比了溫水和餐牌給我地，今次我地2個女仔就叫左一個細湯，沙律，一個炒菜和焗飯。最後結帳每人＄170左右係港島區黎講已經覺得好抵食。冬蔭公細$48：份量大約有2細碗，每人飲少少都不錯，材料好多，有蝦，青口之類，辣都夠但偏咸左少少。炒椰菜仔：我專登加左辣後好香口又野味，椰菜仔新鮮同份量多，醬汁吾太杰但可以滲入椰菜仔內加飯一齊食，正！！日本南瓜焗海鮮飯$98：一黎到已經覺得好滿足感足的感覺，超大份量。入面的汁好濃濃的南瓜香，海鮮好多有蝦，青口，魷魚之類滿滿的。飯都有炒過感覺所以十分香口，而南瓜有煮過關係可以一起吃十分飽肚，食完這個之後，我地2個其實已經半飽了！～醃無骨鳳爪沙律$68：比出面市面好味道，夠辣夠酸味，鳳爪又多有口感，加上少少新鮮蔬菜一起食超醒胃。