台灣館 (已結業)

一直都知淘大商場好多嘢食，但係唔知原來隔離嘅德寶商場都有好多食肆，而且呢邊感覺靜少少，唔使等位等咁耐，今日就去咗德寶商場2樓嘅台灣館，平日嘅夜晚七點去到，都仲有好多位置，而且呢度有大玻璃窗，感覺好開陽，望住晚霞食飯，感覺不錯。晚餐可選小炒、台式飯麵、雞煲或烤魚火煱等，見到個烤魚好吸引就要個來試吓。這個「大紅袍泡椒烤魚」（$238）相當大條，用上大量芫茜、蔥、泡椒、紅椒、青椒、酸菜等配料，試一口湯都幾辣又帶酸，喝得熱血沸騰！至於主角應該是一條魽魚，表面應該輕輕炸過，魚肉好多無咩細骨，啖啖軟滑很不錯！而魚肉本身又不是太辣，如果怕辣就可以飲少啲湯。特別介紹下佢個泡椒，個樣有點似蕃茄，啜了一口汁十分咸🤣，應該只是煮食時出味，唔預你放入口的本身烤魚加白飯都夠飽，但係我哋都叫多碟蒜蓉炒台灣A菜（$58 ），都炒得幾靚，菜葉深綠好新鮮。另外我哋都加左兩杯飲品：冷泡玄米煎茶和凍洛神花茶，前者是一樽有茶包的，我喝的洛神花茶相當醒胃，清新選擇配麻辣烤魚很不錯。