法式牛扒屋 (已結業)

一踏入這家餐廳，環境比我既感覺好浪漫，好有歐洲式的感覺，應該係典型既法式餐廳，坦白講，我自己就好少食法國野。我同朋友就叫左個set dinner，第一道菜先上既係手掌般大塊既鵝肝，鵝肝外脆內軟，入口即溶般既感覺，真係好難想像這世間有這麼美味的食物，我同朋友都好細心咁品嚐鵝肝。食法國菜好舒服，個節奏放慢，每當我們吃完一道菜先上菜，我們可以慢慢品嚐，完全沒有好趕既心情同感覺。係鵝肝之後就係龍蝦湯，龍蝦湯非常鮮味，內裡有粒粒龍蝦肉。再之後就係炭燒牛扒，配合埋個環境感覺都是天堂的食物，肉質軟軟，有淡淡炭燒味道。而最後當然係甜品，而甜品就係心太軟，用心太軟作為呢完美既一餐作為終結。總括而言，呢度既環境同食物都係十分十分好，一分錢一分貨，nice。