Sky726

相知同阿媽喺旺角食咗一間都幾好食嘅西餐，今日上嚟打篇食評分享一下。餐廳叫做Sky726，喺彌敦道726號大廈頂樓。餐廳嘅位置其實係同區最高啦，所以窗外可以望到旺角區嘅景色，餐廳入面有沙發位亦都有高枱，我哋坐低左之後就睇睇餐牌，原來都幾多嘢食。煙三文魚沙律＄118賣相好精緻，好似一朵玫瑰花咁樣，而且煙三文魚嘅份量好夠多，食落都覺得新鮮。青蒜馬鈴薯濃湯＄85蕃茄濃湯＄85以湯來講呢個價錢有啲小貴，不過個湯都好濃郁，亦都唔會話好鹹味道啱啱好，有時仲食到裏面嘅材料。燒慢煮麵豉三文魚＄186彈珠嘅關係，三文魚食粒非常幼滑，麵豉醬甜甜地，同三文魚出奇咁夾，三文魚份量夠多，兩個人食到好夠。法式鴨腿＄188鴨腿都算係法國嘅傳統菜式，今次叫咗黎試吓，鴨腿肉非常幼嫩，好容易切，而且炆得好琳，入口即溶，醬汁亦都好夾，味道啱啱好唔會太咸。另外仲叫左兩杯mocktail飲，呢度嘅嘢飲選擇都唔少，款式都新穎，而且用新鮮嘅生果製作，唔會話味道非常人工。兩個人差唔多食咗＄900 ,旺角食呢個價位唔算平，不過食物質素都OK。