更多
2020-10-26
278 瀏覽
嗰日聽朋友講，原來旺角都有Sky bar，所以就叫佢帶我嚟試吓。為咗避開人潮，我哋就唔夜晚嚟啦，我揀咗日頭嚟，睇個景都清晰啲。果然嚟到見到佢有好多Halloween嘅裝飾，我諗夜晚呢度氣氛一定好正姐。唔緊要我哋試吓佢嘅嘢食同享受呢個靚景啦。我哋兩個人叫咗一個青醬烤雞胸意大利粉同埋手打和牛漢堡，我哋兩個都叫咗一個set，加埋是日甜品。首先想讚下佢個餐包，唔係普通嘅甜餐包，係落咗迷迭香嚟整嘅餐包，所以加埋牛油落去食嘅時候除咗有牛油香仲有香料香，零舍醒神。至於餐湯就係薯仔洋蔥湯，我最鍾意佢啲薯仔打到爛晒但係又保留返少少質感，飲落口夠綿密之餘仲有粒粒嘅口感！至於個和牛漢堡，嗰個和牛漢堡扒夠晒Juicy，切開見到好多肉汁，不過最令我驚喜係佢個薯條，竟然有黑松露味，其實唔使點茄醬都好好味。至於個青醬烤雞胸意粉，我就鍾意佢個烤雞胸，有好香嘅香料味，超重中東嘅風味呀，配埋青醬，呢個配搭真係好特別。至於我哋個是日甜品，係朱古力蛋糕，面頭嗰層朱古力非常之濃厚，食落口會黐住㗎！朱古力同朱古力蛋糕用梅花間竹嘅方式排，啲朱古力夾住喺一層層朱古力蛋糕嘅中間，食落有兩種唔同嘅口感，我覺得都唔會話太甜嘅，用黎結尾就岩
果然嚟到見到佢有好多Halloween嘅裝飾，我諗夜晚呢度氣氛一定好正姐。
唔緊要我哋試吓佢嘅嘢食同享受呢個靚景啦。
我哋兩個人叫咗一個青醬烤雞胸意大利粉同埋手打和牛漢堡，我哋兩個都叫咗一個set，加埋是日甜品。
首先想讚下佢個餐包，唔係普通嘅甜餐包，係落咗迷迭香嚟整嘅餐包，所以加埋牛油落去食嘅時候除咗有牛油香仲有香料香，零舍醒神。至於餐湯就係薯仔洋蔥湯，我最鍾意佢啲薯仔打到爛晒但係又保留返少少質感，飲落口夠綿密之餘仲有粒粒嘅口感！
至於個和牛漢堡，嗰個和牛漢堡扒夠晒Juicy，切開見到好多肉汁，不過最令我驚喜係佢個薯條，竟然有黑松露味，其實唔使點茄醬都好好味。
至於個青醬烤雞胸意粉，我就鍾意佢個烤雞胸，有好香嘅香料味，超重中東嘅風味呀，配埋青醬，呢個配搭真係好特別。
至於我哋個是日甜品，係朱古力蛋糕，面頭嗰層朱古力非常之濃厚，食落口會黐住㗎！朱古力同朱古力蛋糕用梅花間竹嘅方式排，啲朱古力夾住喺一層層朱古力蛋糕嘅中間，食落有兩種唔同嘅口感，我覺得都唔會話太甜嘅，用黎結尾就岩哂喇😋
張貼
