影片
更多
2015-03-19
1470 瀏覽
第一年同老公慶祝一週年，希望去旅行慶祝，可惜大家都請唔到假，老公話雖然去唔到法國，但帶我食好有法國feel既法國餐。老公一直無話我知去邊間餐廳，帶到我黎銅鑼灣，上左sogo對面一棟大廈，門口寫住Member only,好有私房菜既感覺。入到門口見到玻璃櫃入面有好多白露荀，已經雙眼發光，再行入餐廳，好有法國田園feel, 餐廳裝修以淺色原木為主，配上法式吊燈，去到安排好既座位，發現周圍好多活動間隔，我地食野都唔怕俾人望住，好有私人空間。話晒第一次同老公慶祝一週年，想開支酒慶祝，餐廳介紹我地點法國香檳，佢話係出名品酒師Denise Lam推介，其實我地都無咩研究，但覺得價錢都ok就點了。飲落感覺到香檳味道甜美，氣泡綿密，我地都好鍾意，果然無推介錯，建議大家食飯唔知應該點咩酒都可以請餐廳推介。頭盤揀左Deluxe seafood ice mountain ,法國蠔新鮮爽脆，唔會太咸，配襯香檳十分匹配，但唔係好夠喉，同老公分享半邊龍蝦，肉質鮮甜 。凍蝦肉質結實新鮮。麵包大約3,4款，發出熱烘烘麵包香，款式以香脆為主，不錯。Traditional French Onion Soup 'Au Gr
老公一直無話我知去邊間餐廳，帶到我黎銅鑼灣，上左sogo對面一棟大廈，門口寫住Member only,好有私房菜既感覺。入到門口見到玻璃櫃入面有好多白露荀，已經雙眼發光，再行入餐廳，好有法國田園feel, 餐廳裝修以淺色原木為主，配上法式吊燈，去到安排好既座位，發現周圍好多活動間隔，我地食野都唔怕俾人望住，好有私人空間。
話晒第一次同老公慶祝一週年，想開支酒慶祝，餐廳介紹我地點法國香檳，佢話係出名品酒師Denise Lam推介，其實我地都無咩研究，但覺得價錢都ok就點了。
飲落感覺到香檳味道甜美，氣泡綿密，我地都好鍾意，果然無推介錯，建議大家食飯唔知應該點咩酒都可以請餐廳推介。
頭盤揀左Deluxe seafood ice mountain ,法國蠔新鮮爽脆，唔會太咸，配襯香檳十分匹配，但唔係好夠喉，同老公分享半邊龍蝦，肉質鮮甜 。凍蝦肉質結實新鮮。
麵包大約3,4款，發出熱烘烘麵包香，款式以香脆為主，不錯。
Traditional French Onion Soup 'Au Gratin'
聽講洋蔥湯係佢地嘅名菜，上菜時確實嚇親我，湯面焗到似酥皮原來係大大塊芝士，有焦開既芝士質感煙韌重奶香。洋蔥湯内有炒到焦香既洋蔥同雞湯，約食到胡椒既味道，唔知有無估錯，湯裏面仲有一件吸晒湯汁精華既法包，果然係必點之一。
Lobster Bisque
龍蝦湯係我親愛的想叫，我都飲左幾啖，好香蝦膏味，忌廉令個湯更滑更香。
Pan fried kurobuta pork chop
黑毛豬係餐廳推介，上枱個陣又嚇親我，好大份，一個人邊有可能食得晒, 推翻左法國菜細細碟食唔飽既諗法，當煩惱緊咁大件點食既時侯，親愛的已經細心咁切左一口俾我食，咬落十分驚喜，質感超級柔軟肉嫩，肉汁豐富，邊位油脂煎得香脆，食唔停口，最後食淨條骨，
唔講得笑…都係必點之一。
Angel Hair with Wild Mushroom and Black Truffle Cream Sauce
黑松露忌廉天使麵，老公係意粉控，哩間既天使麵忌廉唔會太厚，天使麵仍然Q彈，爽口，黑松露味亦突出，份量亦唔少。
甜品揀左Cream Burlee , 送上時候還點著蠟燭，寫上Happy Anniversary,雖然唔知點解一週年要吹蠟燭，但係我都好開心，好感動，多謝老公為我準備既所有野，一切在心中。
張貼
