建興亞婆豆腐花

營業中

休息中

上一次來南丫島，正值節日，行山徑人多唔易行，更連亞婆豆腐花都多人都暈，應該超過五十人排緊隊想一睹芳容。今次來到南丫島，可能因為時間尚早，無人排隊之下終於有緣一試。小小店子國際化，價錢牌中英對照，一碗賣八九蚊，其實都幾貴。伙計用純熟既手法極速盛左碗豆花黎，快如閃電。奇貌不揚，是妳的特徵，樣子看來更似要打botex。這碗豆花，豆味OK，但甜味不夠。還好每檯都有一兜黃糖候命，加左黃糖的確唔同晒，人都靚左，嗒得杯落。平心而論，很多地方的豆花可能更出色，但其實，在這裡吃，環境佔一個大因素。沿途有妳，一切也變得美好。