大門食堂 (德福廣場) (已結業)

之前都係德福廣場呢度，食過一次大門。今日突然好想食沾麵喎，決定午餐自己嚟食，感覺退步咗，有啲失望🙁lunch set 有8個餐，背面有得另外加小食。我叫咗A4，大門叉燒沾麵，配熱蜜桃茶。以$85一個午餐黎講，其實一啲都唔平/抵食，可以話係中價位。沾麵本身無蛋，我自己加左味蛋，埋單$100。$100一個午餐，我唔覺得貴，大商場日本嘢價錢，但係一啲都唔好食😖首先，沾麵湯好稀，跟本湯汁掛唔到落麵度。可能做法唔同掛，食過好多間沾麵，都唔會有咁稀嘅湯，直情好似拉麵湯底，張湯同麵分開上一樣。第二，湯唔夠熱，只可以講麵同湯都係暖暖地。第三，蜜桃茶冇茶味，剩係得甜味，我自己溝咗水，都仲係覺得太甜！close up 應該會感受到有幾稀味蛋就好食嘅，小小煙燻過嘅感覺！排隊等位好多人，差唔多等左20分鐘，呢個質素，下次唔會再食😞