影片
更多
2025-08-18
0 瀏覽
呢座大廈而家成為我食飯嘅新去處。樓上有間出名環境靚嘅西餐廳同中菜館，二樓仲有幾間日本餐廳同酒吧，都好啱我心水。今次試咗呢間提供「旬」料理，同一般嘅日本師傅發辦有少少唔同，更加著重使用時令食材，唔係單單得刺身同壽司咁簡單。前菜係酸汁白雲海蜇頭，配上青瓜粒同菊花，酸甜爽脆，非常開胃。之後嘅元貝蒸蛋加上鮮百合、冬菇同木耳，面層淋上清澈嘅高湯，味道特別突出。靜岡縣白鮭魚亦喺這裡食到，魚身細長得嚟肉質非常幼嫩，襯上酸汁同柚子皮辣蘿蔔，鮮甜味道更加突出。北海道嘅仙鳳趾生蠔鮮甜爽口，質感 creamy，有「海洋牛奶」之稱，金屬感啱啱好，每咬一下都更濃郁，後勁帶回甘嘅海水味，非常特別。另外，北海道銀鱈魚BB面頭燒咗柚子胡椒，魚肉細膩入口即化，油脂感好豐富。4A和牛牛板腱煮物，選咗喺比較脆口嘅位置，一啲都唔韌，有少少似牛筋，配埋底部嘅蘿蔔一齊炆，味道清甜。炸物方面，有沖繩蝦天婦羅，外皮炸得薄身又香脆，蝦肉爽口彈牙，再沾上自家製咖喱鹽，風味更加突出。北海道粟米芯亦用天婦羅方式處理，咬開即時滲出少少粟米清甜，口感特別。最後嘅鵝肝飯非常精彩，鵝肝煎到外皮香脆，配埋白飯食啱啱好平衡油膩感，上面再加少少滑Wasa
前菜係酸汁白雲海蜇頭，配上青瓜粒同菊花，酸甜爽脆，非常開胃。
之後嘅元貝蒸蛋加上鮮百合、冬菇同木耳，面層淋上清澈嘅高湯，味道特別突出。
靜岡縣白鮭魚亦喺這裡食到，魚身細長得嚟肉質非常幼嫩，襯上酸汁同柚子皮辣蘿蔔，鮮甜味道更加突出。
北海道嘅仙鳳趾生蠔鮮甜爽口，質感 creamy，有「海洋牛奶」之稱，金屬感啱啱好，每咬一下都更濃郁，後勁帶回甘嘅海水味，非常特別。
另外，北海道銀鱈魚BB面頭燒咗柚子胡椒，魚肉細膩入口即化，油脂感好豐富。
4A和牛牛板腱煮物，選咗喺比較脆口嘅位置，一啲都唔韌，有少少似牛筋，配埋底部嘅蘿蔔一齊炆，味道清甜。
炸物方面，有沖繩蝦天婦羅，外皮炸得薄身又香脆，蝦肉爽口彈牙，再沾上自家製咖喱鹽，風味更加突出。
北海道粟米芯亦用天婦羅方式處理，咬開即時滲出少少粟米清甜，口感特別。
最後嘅鵝肝飯非常精彩，鵝肝煎到外皮香脆，配埋白飯食啱啱好平衡油膩感，上面再加少少滑Wasabi，更加解膩。份量雖然睇落細細碗，但食完其實都好滿足。
總括嚟講，呢度嘅料理好有特色，係香港比較少見嘅風格，餐具特別精緻，整體氛圍非常好，加上而家部分套餐仲有七折優惠，都可以喺香港試到高質又抵食嘅日本菜。
張貼
