JD Euro (Jade) Cafe & Bar (已結業)

友人話想要間好view既餐廳嘆下午茶，而佢又幾鍾意飲咖啡😋本身諗住求其搵間starbucks/ pacific就算，但諗諗下一場出到黎都係試下新野，享受下生活。朋友搵到呢間土耳其餐廳，而且係酒店既頂樓，仲可以見到日落tim! 我地就決定去一試～ 老板今日推薦左我地試佢既土耳其咖啡，turkish coffee on the sand. 首先佢會加左咖啡粉同奶，然後會係沙上面加熱（好得意🤗）磨下磨下，咖啡就會開始熱，亦會帶來一陣香氣～～～之後，佢會再額外整奶泡。最後倒出後去特色既土耳其咖啡杯，咁就完成啦！老板仲比左土耳其零食比我地送咖啡，係一d包住果仁既糖，同咖啡好配合。佢話土耳其咖啡既正宗飲法，就係一口咖啡，一啖糖果，然後再飲清水。當你用清水洗乾淨個口，你先再飲一啖咖啡，咁樣可以確保每一口咖啡都係咁香濃🤗。其實我都係第一次見土耳其咖啡，估唔到香港竟然有咁正宗既土耳其菜，有機會我都會想黎埋試下夜晚！