影片
更多
2023-11-24
8 瀏覽
天氣開始凍, 又係時候打邊爐啦; 鐘意食麻辣火鍋嘅我地, 最近就去咗一間非常有特色嘅麻辣火鍋店-九龍坎麻辣火鍋, 佢地嘅招牌正宗麻辣湯底, 油香, 椒麻味同樣突出, 味道非常濃厚, 真係唔錯, 而且有很多打卡位, 非常有特色; 店舖佔地面積非常大, 裝潢好似返咗古代宮廷咁, 餐具有古代嘅花款, 你可以換上古裝打卡, 顧客可以免費著住服飾食火鍋, 夠晒玩味! 出邊有醬料區同埋生果任夾, 店員服務又好服務。茶位 - 每位$5用黃色茶壺載住, 連杯都配埋一套。茶係玄米茶, 非常解膩。百香果手打檸檬茶 - $32 除咗中國茶外, 仲可以叫近排好hit嘅手打檸檬茶; 呢個百香果手打檸檬茶唔太甜, 有香水檸檬甜甜酸酸香味一仲有百香果嘅清香。經典鴛鴦鍋 - $116一邊係秘製胡椒豬骨湯, 胡椒香味好香, 但個湯底都幾清, 一啲都唔咸, 但飲落有胡椒味, 都唔錯。另一邊係招牌牛油紅鍋, 成都口味, 用牛油整的麻辣鍋, 真係夠哂香, 麻辣味慢慢浸出嚟, 小辣, 我都覺得辣呀! 唔需要醬料都已經好夠味。一米雪花牛 - $286呢盤牛肉上枱時真係夠排場呀! 一條長長嘅木盤上, 睇落應該有一米長, 打卡一流,
茶位 - 每位$5
用黃色茶壺載住, 連杯都配埋一套。茶係玄米茶, 非常解膩。
百香果手打檸檬茶 - $32
除咗中國茶外, 仲可以叫近排好hit嘅手打檸檬茶; 呢個百香果手打檸檬茶唔太甜, 有香水檸檬甜甜酸酸香味一仲有百香果嘅清香。
經典鴛鴦鍋 - $116
一邊係秘製胡椒豬骨湯, 胡椒香味好香, 但個湯底都幾清, 一啲都唔咸, 但飲落有胡椒味, 都唔錯。另一邊係招牌牛油紅鍋, 成都口味, 用牛油整的麻辣鍋, 真係夠哂香, 麻辣味慢慢浸出嚟, 小辣, 我都覺得辣呀! 唔需要醬料都已經好夠味。
一米雪花牛 - $286
呢盤牛肉上枱時真係夠排場呀! 一條長長嘅木盤上, 睇落應該有一米長, 打卡一流, 雪花牛簿片一卷卷的, 肥瘦都均勻, 牛味濃郁且有口感。枱上有個表比你參考每款食品大約要烹調時間; 呢款一口牛滾大約15-20秒就可以食用。
白蘿蔔 - $20, 皇帝菜 - $26, 葶葶玉米 - $20
蘿蔔一片片上, 都幾清甜。皇帝菜我老公話好食, 夠哂新觧。粟米超爽甜, 放哂係胡椒豬骨湯一齊滾, 正呀!
帥帥毛肚 – $73
呢個係冇經漂白嘅牛柏葉, 將牛柏葉上面的頁大大片上, 滾完後非常爽脆, 又可吸哂啲囫湯汁一齊食, 真係唔錯。
蝦滑 - $106
另外都仲有追加蝦滑, 呢個真係要點嚟食呀, 除咗買相靚, 一個大心形上菜外, 蝦滑內仲有好多蝦粒, 又新鮮又有蝦味, 又爽口又彈牙, 勁正呀!
魚皮餃 - $36
非常豐富魚皮餃 , 入面都有少少肉汁, 外皮咬落去都幾煙靭, 煮嘅過程之中, 吸收晒湯嘅香味, 好味呀!
御用糖心茲粑 - $28
食四川嘢, 甜品一定會叫糖心茲粑; 外脆內軟綿綿, 煙煙韌韌, 配上甜甜嘅紅糖漿, 趁熱食更加香脆好味, 而且紅糖漿清甜, 唔怕膩。
張貼
