九龍坎麻辣火鍋

營業中

休息中

題外話/補充資料： 九龍坎係一間宮廷風四川火鍋店，招牌牛油紅鍋用十幾種香料製作，香麻惹味，設有不同辣度；火鍋配料近80款，選擇夠曬多元化，餐後可以冰粉解辣。 入到九龍坎，古色古香嘅宮廷風裝修好吸睛，仲有宮廷漢服任你揀，可以比你影相打卡。 當你想食辣，又驚太辣，太極鴛鴦湯底就啱啦。我哋揀咗鮮茄湯底同埋招牌四川麻辣湯底。 麻辣鍋用咗成都新鮮採摘嘅香料，加上好多嘅辣椒，花椒都有十幾款材料，最緊要嘅係以人手炒香，麻辣感十足，先辣後麻，好刺激！而且超級多醬汁可以調配。 四菌子 -包括金耳菌、繡球菌、黑皮雞樅菌、竹蓀，配搭新鮮，食落新鮮爽口，砌得非常靚。 傑出三寶包括：豬黃喉、鵝腸、牛柏葉，口感爽脆。 鮮鴨血，煙韌有咬口，香口得嚟又唔會比麻辣搶味！勁！ 津牛三將 -係用左牛牛容器裝住三款牛肉，骰仔雪花牛柳粒、安格斯肩胛肥牛同埋手切牛小排，肉味香濃，唔會太肥，我鍾意。 手打三色小丸子，火龍果蝦丸、黑松露墨魚丸同埋蟹籽蝦丸，顏色上已經好吸引，新鮮爽口，小朋友至愛。 食完辣野食甜品 ，我哋揀咗小月亮冰粉同埋百香果手打檸檬茶，清爽解辣 。 除咗火鍋美食，仲有放題可以揀，$298 可以免費升級包房唱K，電動麻雀耍樂，－大班朋友一齊嚟。