影片
更多
2024-09-27
756 瀏覽
上網見到好多人介紹呢間專食天婦羅既餐廳，見有日係旺角行街，就諗住去呢度食飯，本身以為要排隊，所以6點左右就去食，但食完都無坐滿人。我地一人叫咗一個set，自選天婦羅丼，$30起，揀咗烏冬或飯先，之後揀自己想食既天婦羅，一件件地加錢，我地每人一個set食咗大約$100左右。第一個set揀咗：帆立貝、茄子、半熟蛋、那哥魚。呢度既天婦羅既粉都算薄，同日本食既接近，帆立貝大大粒，仲keep到少少juicy，半熟蛋入面有半流心，那哥魚因為第一次聽所以叫來試試，啲魚肉都幾結實。配冷烏冬，天氣熱最岩食，烏冬幾有咬口，仲有個醬汁配埋一齊食，有啲似蕎麥面既食法。另一個set揀咗：鰻魚、帶子、黑虎蝦、紫菜蝦膠。個人幾鐘意鰻魚，有鰻魚醬汁既味道。呢個配湯烏冬，熱湯烏冬會軟身啲。一入到呢間鋪坐係bar枱望住廚師炸天婦羅都幾似身處日本天婦羅餐廳feel，不過坐咗一陣我就開始眼濕濕啦，因為呢度嘅抽油煙機抽得唔好，個炸爐係正我地面前，一路食對眼就一路好「劫」，流哂眼水，食完我地都好快走，一出餐廳門就聞到成身都好重油炸味…食物係ok，但如果個抽風唔改善，我應該無下次…
我地一人叫咗一個set，自選天婦羅丼，$30起，揀咗烏冬或飯先，之後揀自己想食既天婦羅，一件件地加錢，我地每人一個set食咗大約$100左右。
第一個set揀咗：帆立貝、茄子、半熟蛋、那哥魚。呢度既天婦羅既粉都算薄，同日本食既接近，帆立貝大大粒，仲keep到少少juicy，半熟蛋入面有半流心，那哥魚因為第一次聽所以叫來試試，啲魚肉都幾結實。
配冷烏冬，天氣熱最岩食，烏冬幾有咬口，仲有個醬汁配埋一齊食，有啲似蕎麥面既食法。
另一個set揀咗：鰻魚、帶子、黑虎蝦、紫菜蝦膠。個人幾鐘意鰻魚，有鰻魚醬汁既味道。
呢個配湯烏冬，熱湯烏冬會軟身啲。
一入到呢間鋪坐係bar枱望住廚師炸天婦羅都幾似身處日本天婦羅餐廳feel，不過坐咗一陣我就開始眼濕濕啦，因為呢度嘅抽油煙機抽得唔好，個炸爐係正我地面前，一路食對眼就一路好「劫」，流哂眼水，食完我地都好快走，一出餐廳門就聞到成身都好重油炸味…食物係ok，但如果個抽風唔改善，我應該無下次…
張貼
