榶意泰式粉麵

營業中

休息中

Item: 榶意泰式粉麵
Rating: 4
Author: 舒適人

76 食評

味道

環境

服務

衛生

抵食

2247

油塘

$50以下

泰國菜粉麵/米線湯品小食店

舒適人

等級2

本身住開重建後既油塘已20幾年，由一片沙漠到現在有大本型、鯉魚門廣場和油麗商場，但一直都搵唔到可以一直Keep住食既食店。到現在重已被標籤做「麵包之城」，呢度只有麵包食。但其實早於10年前，喺油塘中心已開咗一間泰式粉麵叫做‘榶意’。呢間食店係由藍田一間老字號泰粉結業後，隔咗幾年喺油塘重開，舊店既員工都返嚟做，有唔少藍田舊街坊都會落嚟油塘食。講咗咁多開場白，都講吓食咗D乜。今日約埋班fd 去行三家村同石礦場，起行前先嚟填飽個肚，分別嗌咗雜泰、雞泰X2、香茅雞翼泰和咸肉雞泰，份量多少，有圖大家可以睇，我地一行人都覺得夠料夠飽。雜泰有炸魚皮、豬紅、魚旦、豆卜、炸蝦條，炸魚皮夠脆無油益味，炸蝦條夠香有咬口，豬紅夠味又唔散，雜泰係我呢度食粉麵既second choice 。雞泰就係我first choice ，雞肉夠滑係必須既，最重要既係D雞好有雞味，唔似出面其他店舖D雞一係無味道，或者要靠其他醬汁湯料去輔助。我食過藍田和大角咀既泰粉咸肉，一係柴口，一係就肥肉過多。至於呢碗咸肉雞泰粉，食咸肉個皮一定要夠脆，否則就唔駛再講，呢度既咸肉，皮脆、肥瘦適中，我就已經覺得足夠。香茅雞翼係近一年左右先有，香茅味道係有既，夠入味，雞皮脆口，但係比較細隻咗。我哋行完食礦場之後，回程就返返嚟呢度充飢。因為我哋行到好熱，所以我哋冇嗌飯食，其實呢度有海南雞飯、泰式豬手飯都係好食嘅，但我哋都係嗌返泰粉+2碟餸食。我朋友想試吓食雞髀，佢又忽發奇想問吓有冇得原隻上（免斬），點知姐姐話可以，我哋就嗌咗兩個原隻雞髀泰粉，另外兩個就嗌咗咸肉泰粉同埋豬頸肉泰粉。豬頸肉外層香口又唔鞋，如果食肉獸嚟呢度食，豬頸肉、咸肉和雞都係必選嘅。另外我哋嗌咗無骨鳳爪同埋炸蝦餅，無骨鳳爪唔算太辣，唔需要辣到要搵水飲。炸蝦餅係煎炸嘅，上枱後要攤一陣先好食，否則會好辣嘴，炸蝦餅外皮脆，肉質彈牙，係好食嘅，但價錢唔平，呢一款性價比麻麻。
呢度嘅泰粉，平日一至五下午六點前，一餸連凍飲
都只係$38（特式飲品例如泰式咖啡、泰式奶茶、椰青等要另外加錢），$38呢個價錢食泰粉，喺現在根本係搵唔到，就算有都未必好食。講真，食環境就唔會喺度食，喺度食嘅係味道，包括食物嘅味道，同埋店員同食客之間嘅人情味。我知道有人話呢度員工態度唔好，我就真係未遇過，可能我食開係熟客掛。想喺度食又唔想排隊等嘅，就避開中午時段，因為真係太多人嚟呢度食。