聖安娜餅屋 (油麗商場)

營業中

休息中

屋企附近開咗聖安娜餅店，所以經常都有幫襯，一時買麵包，一時又試吓佢哋嘅西餅。個人認爲聖安娜同美心差唔多，不過有些產品比美心做得好，就以個裝包爲例，比美心鬆軟些，而且價錢方面聖安娜平少少，綜合這點，我會繼續幫襯。試過數款西餅麵包，味道如下：芝士火腿潛艇包，質感好鬆軟，即使第二朝食都冇問題，夾埋芝士火腿，鹹鹹香香幾好味。拿破侖蛋糕，唔知係唔係叫這個名稱，但味道就真係幾好，酥皮鬆化，夾住有合桃粒嘅蛋糕，一層一層,口感豐富，而且味道剛好，唔會好似美心做到超甜，十元三件西餅,好抵食。朱古力蛋糕，軟滑度一般，勝在朱古力味尚算香濃，又唔會太甜。