百利冰室

營業中

休息中

嚟食野好多好多次啦，今次終於的起心肝寫下食評。首先嚟個沙翁。沙翁炸得恰到好處，外表鬆脆，內裏鬆軟，充滿疍香，甜度適中。跟住係，最喜愛嘅蝦多士。蝦多士好多舖頭都有做，但係間間嘅做法都唔同。有啲地方係多士上面擺隻蝦，而呢度係成舊厚厚嘅蝦膠咁樣炸。非常足料份量十足，滿足感爆燈。蝦多士甘香鬆脆，配埋蕃茄同沙律醬唔會覺得油膩。再嚟個蕃茄濃湯肥牛烏冬，蕃茄湯底味足，去搭肥牛同烏冬都好夾。加埋個茶走，好滿足嘅一餐。