木馬茶座 (已結業)

偶然在郭德勝中學附近發現呢間茶座，環境雅緻，佈置簡潔，內裏光潔亮麗，一問之下，原來只喺開業半年。下午茶時段人流頗多，都喺街坊鄰里，服務的阿姐推薦我哋食炸雞髀、炸魚柳，話呢度即叫即炸，等候時間需然較耐，但勝在新鮮熱辣、肉質不乾硬。我哋就叫了炸雞髀、炸魚柳茶餐，每份$30，等咗10分鐘左右，雞髀魚柳送來，油炸火喉恰到好處，啲肉唔dry，好juicy，能保持本身肉味質感，味道一流，阿姐話老闆唔喺志在搵錢，間舖喺自己舖，自己住樓上，客仔都喺左鄰右里，所以用料都有要求，碗碟外判清洗，一定要乾淨衞生　……食到舐舐脷後，臨走叫多個瑞士雞翼，$14兩隻，色水有點深，肉質細嫩，一樣好味。臨走問老闆，點解叫木馬，佢話打算門前擺開一隻木馬，比街坊啲小朋友玩，又可以影下相，開開心心，宜家仲搵緊……