國穗軒

營業中

休息中

今晚朋友介紹去咗沙田國穗軒食飯，真心驚喜！抵食夾大件，服務仲要好好，絕對要同大家分享😋叫咗個「開心孖寶餐」，包括半隻吊燒雞同埋上湯焗西澳龍蝦（配烏冬底）。吊燒雞皮脆肉嫩，咬落去仲有肉汁，唔會乾爭爭，好入味！龍蝦大大隻，鮮甜彈牙，上湯焗得啱啱好，唔會太鹹。個鳥冬底吸晒龍蝦同湯嘅精華，啖啖都係鮮味，真係忍唔住食多兩啖！另外清炒白菜仔都唔馬虎，翠綠爽口，解膩一流。成餐飯食得好滿足，最驚喜係臨尾送西米紅豆沙，但又唔會太甜，紅豆煮到起晒沙，為成餐飯畫上完美句號！價錢又合理，服務員態度友善，又會主動換碟同加水。 大家經過沙田不妨試下，尤其係個孖寶餐，龍蝦同燒雞組合真係無得輸！