影片
更多
2023-05-20
101 瀏覽
大喜屋 （沙田）記得對上一次食放題已經係幾年前啦，記得以前放題餐廳多數都喺旺角或銅鑼灣，今日發現沙田原來都有間就決定入去試一試一入門口先有自助區，有小食、燉湯甜品、水果沙律，雪糕區同埋飲品區，飲品區選擇好多，甚至有冷泡茶、啤酒梅酒清酒等！沙田分店雖然都幾多人排隊，但入座都唔使等太耐，座位闊落，攞咗啲小食，飲品後就坐定定落單等野食到喇，食物種類都幾多，例如刺身、不同款式壽司、炸物及燒物、一品料理同埋煮物叫完嘢食之後都好快到，自助區小食都未食完～刺身普遍都好新鮮，特別推薦三文魚，厚切肥美、同埋甜蝦仔，好鮮甜最驚喜係壽司方面比起以前好似多左好多選擇，好多唔同類型嘅創作壽司，每樣細細件，可以試多啲唔同款，唔會驚太飽滯其他熟食料理方面，我哋都試咗比目魚同埋鰻魚，比目魚好滑身、鰻魚入口即溶，同埋必叫嘅羊架同牛舌，上枱已經聞到好香燒烤味，另外仲見到佢有磯煮鮑魚同燒乳鴿！甜品選擇都好豐富，當然有必點嘅燒菠蘿消滯，另外我哋試咗佢嘅滋補花膠燉鮮奶、同自助區嘅燉奶甜品，都好香奶味又滑，鍾意食甜品嘅你哋記得留肚試～總體來講平日午市$238一位價格合理，食物選擇多，質量亦不錯，啱晒一班朋友/同事一齊食，滿足到各
記得對上一次食放題已經係幾年前啦，記得以前放題餐廳多數都喺旺角或銅鑼灣，今日發現沙田原來都有間就決定入去試一試
一入門口先有自助區，有小食、燉湯甜品、水果沙律，雪糕區同埋飲品區，飲品區選擇好多，甚至有冷泡茶、啤酒梅酒清酒等！
沙田分店雖然都幾多人排隊，但入座都唔使等太耐，座位闊落，攞咗啲小食，飲品後就坐定定落單等野食到喇，食物種類都幾多，例如刺身、不同款式壽司、炸物及燒物、一品料理同埋煮物
叫完嘢食之後都好快到，自助區小食都未食完～刺身普遍都好新鮮，特別推薦三文魚，厚切肥美、同埋甜蝦仔，好鮮甜
最驚喜係壽司方面比起以前好似多左好多選擇，好多唔同類型嘅創作壽司，每樣細細件，可以試多啲唔同款，唔會驚太飽滯
其他熟食料理方面，我哋都試咗比目魚同埋鰻魚，比目魚好滑身、鰻魚入口即溶，同埋必叫嘅羊架同牛舌，上枱已經聞到好香燒烤味，另外仲見到佢有磯煮鮑魚同燒乳鴿！
甜品選擇都好豐富，當然有必點嘅燒菠蘿消滯，另外我哋試咗佢嘅滋補花膠燉鮮奶、同自助區嘅燉奶甜品，都好香奶味又滑，鍾意食甜品嘅你哋記得留肚試～
總體來講平日午市$238一位價格合理，食物選擇多，質量亦不錯，啱晒一班朋友/同事一齊食，滿足到各人口味，平日午市門口都幾多人排隊，建議大家如果嚟食就早啲book定位喇～
張貼
