駿星匯

營業中

休息中

每逢星期日都有賽馬，住左沙田咁耐都冇入過去睇現場，順便去埋駿星匯食野，原來岩岩新裝修完。呢間餐廳食既野係快餐style，有ABCD餐揀，仲有素菜選擇。
我就揀左食荷香八寶雞+凍奶茶，仲有個燉湯個湯好好飲，唔會油，又夠味八寶雞好足料，有荷葉香味，入面有冬菇、蛋黃、瑤柱，隻雞望落細細，食落好多肉，滿足。凍奶茶好飲，個茶底幾香濃。第一次入黎馬場既餐廳，估唔到環境幾好，好多資深馬迷係到研究賽事，大家都好認真😂 想刺激d，可以出露台感受現場氣氛，望到沙田馬場全景。跑完一場又可以入返餐廳坐下，飲下野，繼續投注。唔覺唔覺，我果日竟然由頭睇到尾，睇下又食下野，幾chill，岩晒我呢d怕熱怕曬既女士😂