煲煲甄選2人套餐 豐足滿足 黃金雞脆骨🐓 作為前菜 黃金雞脆骨炸得金黃酥脆 外層蛋黃香口唔油膩 內裡保留脆骨口感 令人一粒接一粒 食唔停口🤤
天天海南雞 (中份)🐓 招牌菜果然名不虛傳 雞皮薄 雞肉嫩滑多汁😋 配有三款醬汁 薑蓉 辣醬 甜豉油
豬肉肉骨茶🥘 肉骨茶香濃中帶胡椒 入口回甘 豬肋骨炆得入味 仲有豬肚 冬菇 豆腐卜 滷蛋等 暖胃又滋補🤩
豆漿海南雜菜煲🥬 以豆漿為湯底 味道清甜 雜菜煲有蝦乾 娃娃菜 菇類 粉絲等 配搭更顯鮮味😉
配雞油飯 (2個)🍚
另外叫左份小食同飲品 咖央醬炸饅頭 (4個) 🍞 炸饅頭外脆內軟 奶香味濃 配上香甜咖央醬 甜而不膩
凍豆花恐龍美祿🥤 以滑溜豆花為底 加入美祿粉 入口冰涼又有層次感
