M3 Italian (已結業)

屋企人住沙田, 所以間中都會入沙田一齊食飯, 去左呢間意大利餐廳, 屋企人話好多時都滿坐, 所以晚市早少少去, walkin仲有.餐前面包要左蒜蓉包, 好香蒜蓉味, 但唔會太濃太搶, 外脆內軟, 即烘即食, 食到索索聲.大蝦沙律做頭盤, 大蝦大隻, 咬落特別爽口彈牙, 旁邊仲有芒果, 清甜清新. 沙律爽口, 食左好開胃.墨魚汁意大利飯做主菜, 賣相精緻. 底層係用墨魚汁煮既意大利飯, 新鮮墨魚汁食完個口都黑晒, 個飯煮到軟硬適中, 煙煙韌韌有咬口, 個汁既份量剛好, 唔會太濕. 中間有魷魚, 咬落好彈牙, 好鮮既魷魚味, 而且面頭煎過一下更香口.