笑酤和味炭燒 (The Pulse) (已結業)

難得假期無野做就去淺水灣行下商場同沙灘，行到累就入去呢間餐廳食醫下肚。睇門面以為係食西餐但其實主要係食日本野。叫左一個壽司餐同一個饅魚飯，午餐set都包麵豉湯，小食同沙律，小食係魚仔干，炸得好香脆但吾會乾爭爭，沙律的柚子汁則好清新好開胃壽司set 好豐富，其中看似最平平無其的吞拿魚蓉小卷最有驚喜，吞拿魚蓉好有鮮甜味，係高檔貨色其他魚生亦好新鮮，尤其蝦刺身好大隻厚肉，一啖食落去非常爽口，極度滿足個set仲配埋烏冬，細食啲既女仕真係食吾晒!饅魚飯都好出色，饅魚份量充足，三大件仲幾厚肉，最重要係夠多汁，啲飯吾會乾爭爭無味雖然係中高檔價錢收費，但係淺水灣食到呢個質素的日本便當，都係吾錯既選擇。