影片
更多
2018-07-19
469 瀏覽
好多人話馬鞍山係一個美食沙漠，而我就會覺得，青衣比起馬鞍山更加缺少美食。最近，終於有韓式食店進駐青衣城，唔止韓國食物咁簡單，仲供應韓式素食自助餐，當然仲可以單點一系列嘅韓式美食，有葷有素，真正葷素共融！呢日6點左右就抵達，門外未算好多人等候，可能時間尚早。我哋冇試自助餐，選擇咗有得單點嘅「樸生」。「樸生」，我會解作為簡樸嘅生活，店內嘅裝飾甚至都放滿花草，好休閑舒適餐牌可以選擇嘅料理太多，嚟之前參考過其他食評，朋友食素，所以我哋今次都冇叫到肉食菜色。牛蒡凍豆腐（原味） $65豆腐口感厚實，豆味濃郁細滑，呢個感覺幾特別，問咗店員先知道豆腐原來係九龍城公和豆品廠嘅出品！老字號果然唔同啲。拌以紫菜碎同埋芝麻醬，為平淡嘅豆腐帶來更加多嘅味道層次。面頭放上炸牛蒡絲，香脆可口！炸腐皮芝士卷（素泡菜）$66炸得香脆嘅腐皮入邊包住素泡菜，有青瓜、甘荀、醃蘿蔔、牛蒡同埋素芝士，咬落去，腐皮脆到散落桌上！配韓式甜辣醬，豐富左味道層次，更惹味。我仲知道佢哋高成本用上左Daiya，呢個牌子嘅素芝士係好出名，同埋係素食界好出名，絕對唔係平價貨。四蔬韓式煎餅 $94以無蛋奶素粉漿製作，四蔬分別係芋頭、冬菇、紫椰菜同
呢日6點左右就抵達，門外未算好多人等候，可能時間尚早。我哋冇試自助餐，選擇咗有得單點嘅「樸生」。「樸生」，我會解作為簡樸嘅生活，店內嘅裝飾甚至都放滿花草，好休閑舒適
餐牌可以選擇嘅料理太多，嚟之前參考過其他食評，朋友食素，所以我哋今次都冇叫到肉食菜色。
牛蒡凍豆腐（原味） $65
豆腐口感厚實，豆味濃郁細滑，呢個感覺幾特別，問咗店員先知道豆腐原來係九龍城公和豆品廠嘅出品！老字號果然唔同啲。拌以紫菜碎同埋芝麻醬，為平淡嘅豆腐帶來更加多嘅味道層次。面頭放上炸牛蒡絲，香脆可口！炸腐皮芝士卷（素泡菜）$66
炸得香脆嘅腐皮入邊包住素泡菜，有青瓜、甘荀、醃蘿蔔、牛蒡同埋素芝士，咬落去，腐皮脆到散落桌上！配韓式甜辣醬，豐富左味道層次，更惹味。我仲知道佢哋高成本用上左Daiya，呢個牌子嘅素芝士係好出名，同埋係素食界好出名，絕對唔係平價貨。四蔬韓式煎餅 $94
以無蛋奶素粉漿製作，四蔬分別係芋頭、冬菇、紫椰菜同埋甘筍，將佢哋切絲，口感爽口，清新唔易滯，而且都幾飽肚！自選韓國撈麵-素豬炒泡菜配麵 $68
柚子豉油(汁)香得黎柚子酸酸地，好開胃。用咗菇菌類模仿豬肉嘅口感，加埋調味，好神似！煙韌得嚟菇菌又吸左汁嘅精華，一咬爆汁，滋味無比！
自家製軟雪糕杯 紅火龍果口味 $58
鮮艷奪目，每一口都有火龍果籽嘅顆粒嚼感，呢一個真係必食推介！雪糕杯配以藍莓、士多啤梨、鮮果及甜醬穀物球點綴，口感特別，唔會太甜，食落輕盈。見到隔離枱杯飲品好靚，於是我哋問一問店員，都叫咗同樣嘅一杯。
玄米綠茶系列 $48
蜜桃玄米綠茶以碟豆花嘅天然藍調配合蜜桃嘅橙紅，顏色豐富清涼嘅感覺，味道清淡得來有微微米香，夏天飲好消暑！玫瑰茉莉花冰茶系列 $48
以自然果味襯托雙重花香，青瓜西柚口味清新消暑。
素食自助餐價錢唔貴，性價比高，喺門口見到裏面選擇都多；以星期一至五午餐為例$88食任食1小時，依家好多餐廳食個午餐都$50-$60起跳，而且只可以食到一個款式，所以真係好值得黎試
進駐大型商場嘅食店雖然冇咗小店嘅人情味，但係佢嘅用心製作，大膽創新，同埋推廣素食呢個文化，都係值得尊重。
張貼
