韓牛牧場 (已結業)

報復性出街消費，今次嚟食韓燒，餐廳用咗光波爐去燒烤，燒完唔會成身都係油煙味，午市餐牌沙律前菜小食和飲品都係任食，我哋叫咗兩個餐。前菜種類多，味道不錯。韓燒濟州黑毛豬五花丼$108黑毛豬肉質嫩滑，肥瘦適中，加左一隻生蛋黃，蛋黃加上醬汁一齊好好味。1++韓牛韓燒定量午市餐二人份 $238有1++韓牛牛肋骨肉，韓醬1++韓牛肩胛，西班牙黑豚五花肉，韓式雞腿肉，虎蝦拼半殼青口。1++韓牛牛肋骨肉牛肉味濃，西班牙黑豚五花肉油脂分布平均，韓式雞腿肉帶有少少辣，好惹味，虎蝦爽口彈牙，半殼青口有少少芝士，增加咸香味。