影片
更多
2017-04-03
293 瀏覽
今晚食飯同老婆去咗沙嗲王。點解會揀佢呢， 因為一來老婆話沙嗲王佢食過好好食，二來見到佢個九里遠都見到嘅超大型LED招牌，再加上喺街外邊望入去都見到好靚嘅裝修咁就入去試下啦。（利申： 其實本人對沙嗲/咖哩係麻麻地嘅）入到去坐低咗佢哋裝修俾我感覺係小朋友一定鍾意。佢嘅 menu 、墊枱嘅餐紙去到貼喺牆上面嘅裝飾都係用上大量嘅卡通海盜公仔，啱曬小朋友嘅口味。我哋點咗三個菜。第一個係超人氣之選嘅白咖哩香茅豬扒飯, 第二個係冬陰功扎肉軟殼蝦米線再加多個椒鹽脆豆腐。我梗係就主打嗰碗冬陰功米線。冬陰功湯底唔錯，最驚喜嘅係啲扎肉好爽口好好食。另外咬咬下食到啲酸嘅嘢，原來佢哋加咗少少菠蘿粒落去個湯度。我都係第一次食到菠蘿粒係冬陰功湯裏邊。但係嗰種酸加辣嘅味道真係配合得好好。老婆比咗一细碗白飯加塊香茅豬扒叫我試試。 我就自己倒咗啲白咖哩汁落碗飯度。哇!佢嘅白咖哩汁真係超香超好食。連我呢個一向對沙嗲/咖哩麻麻地嘅人都要畀個讚佢哋。真係可以淨係用白咖哩汁都撈幾碗飯!!果然係超人氣之選同鎮店之寶。另外佢地個椒鹽脆豆腐都好有驚喜。豆腐個皮好薄 ，炸得好脆。但係一咬入去裏面豆腐係好鮮嫩 。雖然佢啲豆腐唔似個名咁有好
入到去坐低咗佢哋裝修俾我感覺係小朋友一定鍾意。佢嘅 menu 、墊枱嘅餐紙去到貼喺牆上面嘅裝飾都係用上大量嘅卡通海盜公仔，啱曬小朋友嘅口味。
我哋點咗三個菜。第一個係超人氣之選嘅白咖哩香茅豬扒飯, 第二個係冬陰功扎肉軟殼蝦米線再加多個椒鹽脆豆腐。我梗係就主打嗰碗冬陰功米線。冬陰功湯底唔錯，最驚喜嘅係啲扎肉好爽口好好食。另外咬咬下食到啲酸嘅嘢，原來佢哋加咗少少菠蘿粒落去個湯度。我都係第一次食到菠蘿粒係冬陰功湯裏邊。但係嗰種酸加辣嘅味道真係配合得好好。
老婆比咗一细碗白飯加塊香茅豬扒叫我試試。 我就自己倒咗啲白咖哩汁落碗飯度。哇!佢嘅白咖哩汁真係超香超好食。連我呢個一向對沙嗲/咖哩麻麻地嘅人都要畀個讚佢哋。真係可以淨係用白咖哩汁都撈幾碗飯!!果然係超人氣之選同鎮店之寶。
另外佢地個椒鹽脆豆腐都好有驚喜。豆腐個皮好薄 ，炸得好脆。但係一咬入去裏面豆腐係好鮮嫩 。雖然佢啲豆腐唔似個名咁有好多椒鹽，但係佢哋“點”個汁亦都係一絕 。同豆腐個味非常非常之挾。 我誠意推介 !!
張貼
