沙嗲王 (卓明大廈)

營業中

休息中

好耐冇分享下我哋覺得值得幫襯既餐廳😂🦖同我講，最近見到葵芳新開一間沙嗲王分店，之後就話好耐冇食過，唔知依家啲野，好唔好食呢？依家香港啲餐飲業成日都話冇生意，大家都北上消費所以都想試下，係逆境開新分店既沙嗲王，究竟憑咩可以開新分店呢🤔記得我細個既時候都會去食，但係後尾好似愈做愈差甘，所以我都好耐冇去食，我仲一度以為佢執曬😬————————————今次我地就嗌左佢哋嘅二人套餐 $2xx （我連續兩日都有去食😂分別同🦖仲有我屋企人）我同🦖都覺得依個套餐好抵食兩個人食真係好飽，食唔曬啲飯量好多（如果少飯可以減錢會好啲，因為🦖食唔曬）蘿蔔糕係個石窩入面好保温，同xo 醬好夾炸厚切豬扒飯個豬扒好juicy🤩白咖哩個汁淡啲（下次會想試黃咖哩）🦖嗌既蟹黃飯都好食，亦都係石窩入面裝住，食到尾都仲好熱，送飯一流野飲好足料，芒果沙冰入面啲芒果又多又甜，榴槤沙冰飲到尾都仲係好濃既榴槤味🙂‍↕️見我第二日再去食多次，就知真係唔錯啦🤭第二日4個人，共消費左$400，真心大件好味抵食！🥴#hongkongfood #hongkongfood #hk #hkfood #hkfoodstagram #hkfoodieli

放假跟家人外出用膳，到久違了的沙嗲王吃午飯。從前荃灣分店在千色店旁，現在搬到大河道。新店的卡位充足，加上透明玻璃窗，很有空間感。白咖喱香茅豬扒飯：一直是沙嗲王的招牌菜式，每次必點。白咖喱汁很夠，不辣，送飯一流。用過香茅煮的豬扒，吃起來很香，而豬扒的質地就像椒鹽豬扒的煮法，像煎炸過，挺香口。豬扒咬起來脆中帶軟。沙嗲牛肩胛粉絲：沙嗲也是不辣的，花生味重，還有點白芝麻味道。粉絲偏幼身，浸著沙嗲汁。牛肉是牛的肩胛部分，簿簿的、軟軟的。泰式酸辣嫩滑鮮魚片鍋配飯：湯喝起來像冬陰功，混有芫茜味，青檸味也重。魚片無骨，切得簿簿，吃起來滑滑。午市套餐加$15便可揀選芒果椰汁沙冰配寒天波波：芒果味濃，沙冰滑滑像思樂冰。寒天波波增加口感，咬起來像啫喱，QQ的。埋單後，送沙嗲王XO辣椒醬😊

今天，原本想試江湖小廚的（因有朋友推介話煲仔飯好正），點知原來江湖小廚沒有午市的😅，對面就有一間沙嗲王，諗都唔使諗就入去了。🌸 白咖喱香茅豬扒飯$66冇得輸👍🏻 白咖喱好香、少少辣，非常惹味，香茅豬扒鬆軟、香脆，好大塊，仲可以碎上，次次都保持水準，超讚！🌸 鐵板grill嫩巨髀飯$78可選咖喱汁或白咖喱汁，雞髀已起骨，好大隻，雞肉嫩滑，只是覺得標價貴了少少。🌸炸饅頭$26有五件，點上煉奶吃好滋味！🌸熱奶茶這裏的熱奶茶有茶味，啱我口味！沙嗲王午市好多款套餐，梗有一款啱你！

白咖喱豬扒飯有三大塊豬扒，白咖喱汁好多，而且好濃郁，送飯真係一流，可以全部清晒椒鹽軟殼蟹都係必叫好多椒鹽，軟殼蟹炸得超香脆，好好食！應該有兩隻軟殼蟹嘅份量，以呢個價錢好收貨蒜香雞翼雞翼好大隻，每隻都滿滿嘅蒜香味，都好好食炸春卷餡料好多，有粉絲，有肉碎，佢嘅春卷皮似係越南嗰隻，好夾，呢個都必叫芒果沙冰好濃郁，跟餐加$15嚟講好抵加總括嚟講沙嗲王係好適合食炸嘢嘅地方，炸嘢全部冇伏，而且都好香脆，唔會太油，當然唔少得一定要嗌白咖喱系列啦！！

三五知己聚腳點🙂🙂今日幾人行黎左荃灣食沙嗲王，好近巴士站，一落就見到大大個招牌。試左沙嗲王最出名既白咖喱豬扒飯同豆腐蟹粉煲餐😋😋白咖喱豬扒飯🤪🤪白咖喱汁略淡，豬扒煮得比較耐 ，入口比較鞋口，飯量足夠，配上自選飲品凍檸茶少甜少冰。豆腐蟹粉煲😎😎主打用蟹粉汁去配上清淡的豆腐，令豆腐有鮮味，濃郁的蟹粉湯令人開胃，加入小量蔥花去調味，飯量足夠。午餐有主菜同飯包飲品，價格平民，性價比高，適合朋友相聚

其實已經食過好多次沙嗲王，但係每一次都會覺得有啲新意思，尤其係白咖喱，真係吸引我食咗好多次黑椒汁巨雞髀飯，加咗$3轉白咖喱，total係$89雞髀真係好大塊，雞皮好脆，仲有兩嚿粟米因為白咖喱汁真係太好食，攞嚟撈飯食得好快，所以白飯對我嚟講略嫌唔夠如果多啲飯會更好另一個係新出嘅，叫做白咖喱香茅豬扒烏冬，$72個烏冬係日本製嘅烏冬，十分彈牙湯底係白咖喱湯底，好唔好食見仁見智，如果鍾意濃味應該會喜歡熱辣辣嘅天氣梗係要加杯沙冰鮮芒椰汁沙冰配寒天，好飲過出邊啲台式飲品店但係要跟餐嘢飲嚟講，我就覺得貴咗啲下次再去試吓其他嘢食，最好屋企隔離都開返間

每次必食白咖喱豬扒飯，呢個真係可以話細細個食到大，另外仲叫左鐵板Grill嫩巨髀配薯條，凍荔枝紅茶配寒天，性價比極高。🍛 白咖喱豬扒飯白咖喱豬扒飯是一道濃郁的咖喱飯，香茅豬扒，豬扒外脆內嫩，搭配香濃的咖喱汁，咖喱醬濃郁香滑，搭配白飯一齊食，真係令人心滿意足。🥩 鐵板Grill嫩巨髀配薯條鐵板Grill嫩巨髀是一道肉質鮮嫩的大腿肉，肉質鮮嫩多汁，經過鐵板燒烤，鐵板烹調令食材釋放出更多香氣，搭配薯條，是一份豐盛的主菜。🍹 凍荔枝紅茶配寒天凍荔枝紅茶是一道清涼的飲品，清新爽口，荔枝的甜味和紅茶的香氣相得益彰，搭配寒天，寒天帶來的口感更添趣味，真係夏日消暑的完美選擇。

之前10次有9次都係食白咖喱豬扒飯，不過我近排經常帶飯，感覺如果放假午餐出街都係食飯，實在悶極無聊，於是試吓叫白咖喱豬扒拉麵，拉麵質地普通，當然不像拉麵店那些粗條沾麵那粗質彈牙，不過份量都算多，而且不算是幼弱冇力那款麵條。 佢湯底除咗本身豬骨味，加了少許白咖喱混入去，就好像有點沙嗲的感覺，不過現在的豬扒，醃得比較勁，有點兒像太多醃肉粉或是梳打粉， 軟林得完全沒有質感，味道亦都欠奉，不過叫做有啲香茅以及醃料喺面頭，不至於沒有味道的肉類。鐵板蔥油雞扒煎蛋飯，這比較似我平時會叫嘅菜式，雞扒都算鮮嫩，即使放在鐵板上，亦都沒有弄到特別熟到完全咬唔開那種，煎蛋亦都是剛剛好，蛋黃呈流質郁吓郁吓的模樣，蔥油帶點甜味，也算是相當美好的。炸饅頭亦都挺為出色，細細個，每邊都相當翠香的饅頭，配上煉奶，那有小朋友大人不喜歡，不過就是扭計不吃，那都沒有辦法。另外的炸雞翼幾大隻，外皮比較厚實香脆，因此顯得內裏的肉不算太多，味道普通沒有特別。荔枝紅茶寒天波波，這些紅茶，未到就只像維他那些紙盒茶，味道當然普通，不過寒天波波都有啲似貢茶那種寒天精球， 彈牙爽口，不太人造的感覺。王仍然屹立不到，竟然在原位裝修，將兩張卡位擺

🍽️白咖喱厚切吉列豬扒想問吓大家細個嘅兒時回憶，會係邊間餐廳呢？係我細個時候家人就成日帶我去沙嗲王，講到沙嗲王，又點會小得叫最出色嘅白咖喱汁！但今次個主角係厚切吉列豬扒～ 所以今次同大家介紹係呢就係～ 白咖喱汁厚切吉列豬扒飯！吉列豬扒炸得勁香脆勁多肉汁，仲要勁厚切，每一啖咬落去勁滿足，幸福感爆棚！加埋白咖喱汁真係忍唔住一啖接一啖咁食！

📍沙嗲王 (大河道) (荃灣)荃灣大河道67-75號卓明大廈地舖激安二人餐 可以揀2個前菜 1個小食2個主菜 包兩杯野飲兩杯Haagen Dazs ✨濃蝦湯✨慢煮豬軟骨讚岐烏冬 ✨泰好味招牌燒豬頸肉配泰式汁爽口彈牙 香口惹味✨石鍋沙嗲烏冬(沙嗲滑牛+大埔振興牛丸）餐牌有🌶️但我食唔到有辣味..石窩係噱頭 得個熱字 整體唔好味道…✨凍台式珍珠奶茶✨特濃朱古力沙冰配阿華田脆脆✨Haagen Dazs 曲奇雲呢拿雪糕整體用餐體驗✨味道(2/5)✨環境(3/5)✨服務(1/5)
✨抵食(2/5)

呢排有時係荃灣返工，想搵個地方舒服食早餐既地方唔係咁容易。之前有時會經過呢間沙嗲皇，但就一直冇入過去，今次見佢好似有早餐，人又唔多就入黎試下。好多坐位，坐得都幾舒服，但好明顯人手不足，辛苦員工了🙏🏻都係我鍾意既QR code落單👍🏻點左個早餐set午餐肉厚蛋三文治+熱咖啡（（冇加一））個三文治黎到，咦！又唔算hea喎，係真係同圖片咁厚架喎😂冇伏我三文治同咖啡味道正正常常，中規中距，唔算驚喜。但以呢個價錢黎講，性價比算係高😌

最出色都仲係白咖喱豬扒飯同避風塘軟殻蟹今晚一行四人去咗沙嗲王食晚飯，都有一段時間冇食，發覺個Menu都唔同咗好多，本來想嗌二人餐再加再散叫其他嘢但係發覺其實同就咁散叫差唔多，所以之後都係就咁散叫算。白咖喱豬扒飯同避風塘軟殼蟹依舊出色，保持到水準。避風塘軟殼蟹個份量都幾多，有4件，每件半隻蟹，上枱熱辣辣，非常惹味。白咖喱豬扒飯同10年前食到嘅味道一樣，有少少甜同辣，唯一唔同嘅係啲汁少左好多。。。 (唔記得影相🫣)冬陰功牛肩胛烏冬個湯底係👌🏻，不過啲牛肉就認真麻麻，比較碎又”鞋口”黑椒汁肉食主義不過不失，雞翼係最出色，不多作評論泰式豬頸肉就咁食都幾乾，配上汁醬都還可以總括而言，除咗招牌白咖喱豬扒飯同避風塘軟殼蟹之後，其他都真係好一般。

連鎖店沙爹王值得一讚，每間店或每次去食都能保持到水準，不管是食物質素，份量，美味程度都一樣保持到水準，送出來的食物熱辣辣的，就連擺位都會講究，加上價錢亦不貴，真是平民享受美食的好地方。今日點咗 蔥油鐵板雞扒配日本太陽蛋飯再加蒜香牛油烤餅 2 件甜辣醬墨魚餅 3 件再配埋杯凍檸茶少冰蔥油香，鼓油甜，太陽蛋中間仲流黃的，配飯簡直一流，重點係雞扒有兩塊，份量十足，雞扒煎得外皮香脆，肉質嫩滑，仲會流汁，真係冇得輸 👍🏻蒜香牛油烤餅，不用沾任何咖哩汁，就咁食又香又脆，淡淡嘅蒜香味已經好正墨魚餅本身墨魚味不重，但勝在爽口彈牙，加埋甜辣醬一齊食，味覺的享受凍檸茶雖冇咩特別，但係真係會留意你落單註明少冰，不會像其他餐廳一樣給你勁多冰整體來講沙爹王美味抵食，值得大家一試

如果唔想俾幾百蚊但又想食大餐咁沙嗲王二人餐就幫到你喇（$268）話就話叫兩人餐但其實兩個前菜+兩個主菜+一個小食+兩個飲品+兩個甜品係夠三個人食㗎～或者再叫一個主菜三個人share就一定夠都係300幾蚊左右仲要未計沙嗲王又有迎新/生日優惠券(⁎⁍̴̛ᴗ⁍̴̛⁎)以下本豬總結下so far試過嘅菜式：前菜✧ 煙肉上湯娃娃菜 （小）寫到明小個份量真係偏細建議如果想食得健康啲嘅日子可以直接叫兩份娃娃菜🥬其實上湯係夠味的🥣但煙肉再增添一份咸香🥓✧ 食極唔停芝士條 （10條，+$6）大家絕對唔使擔心10條食唔哂因為1條係幼過同短過手指公haha就算本豬自己一個食都ko到🧀主菜✧ 滑lulu蛋黃咖喱厚切吉列豬扒飯 （+$6）呢個吉列豬係真厚切🐖雖然望落啲肉係灰色但食落唔係老唔嚡口㗎估計事前有啲化學處理但食唔出鬆肉粉haha至於個蛋就麻麻🍳薄chit chit咁叫蛋蓋飯定包飯都不實(｡ ˇ‸ˇ ｡)而黃咖喱就好好食冇批評🥘順帶一提佢哋啲米係用珍珠米煮得剛剛好好有咬口～✧ 沙嗲牛肩胛粉絲呢個沙嗲偏向湯汁🍜唔太杰但足夠俾粉絲索哂啲沙嗲味粉絲上碟時沉咗底/透明所以喺張相睇唔出但其實份量好夠㗎大概可以夾到5碗出嚟牛

由細到大每次一經過沙嗲王，總會勾起自己想食白咖喱嘅慾望，再加上每次買單嗰陣嗰粒薄荷糖，雖然唔係啲咩特別嘢，但係有一種莫名其妙嘅儀式感，唔食的話，硬係會覺得爭咁一啲感覺。記得以前成日幫襯銅鑼灣嗰間沙嗲王，入邊嘅裝修充滿海盜嘅感覺，荃灣分店嗰間雖然比較少幫襯，但是記得之前嗰間係要搭lift上去的，第一次嘗試位於大河道的地舖分店，一眼望落去反而有一種簡潔嘅感覺。同太太兩人入去之後，第一時間menu都唔使睇，就叫咗兩客白咖喱豬扒飯再加一份蔬菜。一個白咖喱豬扒飯，一個蟹粉豆腐鍋，兩者都係係小弟心目中，屬於沙嗲王嘅招牌美食。《白咖喱豬扒飯》侍應一放豬扒飯上枱，一陣屬於白咖喱獨有嘅香味撲鼻而來，各種唔同嘅味道，融合埋一齊成為食慾大增嘅理由。有別於其他快餐店所出嘅白咖喱，沙嗲王嘅白咖喱喺香料上比較抌本，加上比較濃郁，用嚟撈飯實在是不二之選。至於伴隨最白咖喱一併而來的豬扒，出品挺好，一啖一啖的豬扒，伴隨白咖喱嘅魅力，喺口腔裏面起舞。蔬菜出品普普通通，主要係為咗補充纖維，好食與否，對於熱愛食肉嘅小弟冇乜特別感覺，四個字不過不失我知，睇到呢度可能覺得有啲誇張，的確，有一部份原因可能係因為本身對沙嗲王嘅個人觀