三代目 (港運城)

營業中

休息中

第一次試呢間店，坐bar枱，叫左「宫碕辛烏冬」（參考：我譚仔食3小辣）個烏冬辣到會令胃部熱熨，好多辣椒碎（見圖），我同先生都好驚訝日本人會食咁辣嘅咩！？算自己孤陋寡聞，慢慢食都食左四分三時，餐廳經理想收碗時問我係咪太辣，我就話真係太辣，佢主動話俾碗豬骨湯我沖淡（呢個服務係讚嘅）點知！當我準備食埋碗麵時，廚房某師傅竟講出「個烏冬寫明係辣架啦！」，聲線之大令客人聽得清清楚楚！其實日式開放式廚房/bar枱設計係可以增加客人同廚師交流，日本廚師都會想從交流中得到回饋，繼而改進。若此餐廳員工沒有聽取意見嘅氣度，開放式廚房真係自暴其短，自殺式破壞自己嘅服務質素。