板上 (中海日升中心) (已結業)

假日陪媽媽食中午，去左官塘商業區一帶搵野食，見此間門面華麗門外食物相賣相吸引，結果吸引左入內食。餐廳內唔算多客，去到先櫃位點餐俾錢，再自行取餐。食物選擇甚多，揀左我最喜歡的鰻魚飯和媽媽喜歡的牛肉飯。餐來了賣相比預期有點落差，用格仔盤裝載賣相打了點折扣。板上雪花一口牛．珍珠飯 $65以為係鐵板上添，珍珠飯一般唔多圓潤煙韌。唔見有洋蔥牛肉味道一般而已，沒有多惹味，勝在份量唔算少而已。板上蒲燒鰻魚．珍珠飯 $85鰻魚好細份好似無左半咁，感覺唔值依個價錢，鰻魚肉薄身味道一般，燒汁勁少忍唔住走去叫店員加汁，店員都係俾多少少。味噌湯係免費任添的，相信係唯一滿意地方，湯有昆布鹹度適中味道唔錯多幾夠熱。凍檸檬水+凍奶茶跟餐凍飲要加多五蚊，味道不過不失。場內見有充電提供確係貼心服務。