板上 (中海日升中心) (已結業)

得知觀塘中海日升中心有好多餐廳，與友人特意來試試，到餐廳門口雖然看到冇乜客人，但被香味吸引就入去一試。點了2個便當及一份大板燒，原本還想試更多小食，但點餐時收銀員趕住結帳，所以都冇再點其他嘢食。取餐時，職員話先攞2份便當，大板燒稍後先有，但到食完2個便當出去問職員先知道完全漏單，當時職員客氣話陣間整好拎過嚟我哋枱面。到完成時，職員只係放係櫃枱等我自己再一次出去拎，笑笑口問佢:「你頭先唔係話拎過嚟俾我咩？」佢嘅回答係:「我忙緊呀…HeHe」，我心諗做錯嘢又唔補鑊仲要順口開河。我唔會再嚟囉。

今次係我第二次食啦 第一次因為冇粗薯條所以叫咗薯格 今次見到有粗薯條就叫咗黎試吓 我個人覺得雖然薯格份量少啲但係比粗薯條好食 佢會跟兩包番茄醬但作為茄醬焚化爐嘅我覺得有啲少 咁講下個包 我叫咗安格斯牛肉漢堡 塊肉好重牛肉味 加埋漢堡包果醬生菜同芝士 好好食 個包都唔係Hea你 佢唔係好似金拱門啲漢堡包皮咁淋啤啤 我外賣自取拎到返公司食個包仲係好挺 食完成個set我飽到上心口 跟餐叫可樂唔使加錢 但因為太飽同怕肥我俾咗同事飲 外賣自取計埋OpenRice個coupon先$60左右 好抵

食左雞同魚嘅鐵板，略嫌醬汁稍多，不過有些菜同粟米都叫平衡下健康下。飯同湯有得任裝，悉隨尊便。朋友們都有加8蚊雞翼，據說係好食，下次可以留意下。另外睇落豬肉嗰個好似好食d。

今日冇帶lunch box，柴娃娃跟公司同事order外賣飯盒，佢哋話板上啲飯盒乾淨企理又好食，$48蚊仲有一杯飲品。板上照燒雞飯，一盒飯🍱分左3個區域，好企理，中華沙律，微微帶酸又爽口，食左好開胃，雖然冇菜，但係有粟米粒，粒粒又甜又卜脆，最正緊係照燒雞啦，份量又多，鋪滿成個飯面，雞肉嫩滑，塊皮雖然已經唔係脆身，但仍保持燒香味👍，珍珠米粒粒分明，唔會太黏，醬汁份量唔會太多，撈埋個飯一齊食，味道岩岩好。非常滿意嘅一個午餐😋。

中午時間行過中海日升中心地下，總會見到積極吸客嘅伙記。有日行過唔係好想social，一直行到最後有一間唔係好r客嘅板上燒食店。佢地嘅餐點都算係價錢唔貴，40-50蚊就有得食，仲要幾多選擇下。餐廳入面都算多位，但眼見服務員唔多，多蚊餐枱都仲有上手嘅餐盤。點餐嘅時候，姐姐同唔係好純嘅口音同我解釋「積分」制度，但我同朋友都唔係好聽得明。最後只可以總結係下載個app儲分。佢呢間店都算比較先進，有叫號系統，好似大x樂咁。可惜，我同朋友果日點嘅餐都唔算令我地好impresses 主要係餐點配搭嘅問題，總係覺得食完唔算話好滿足咁。但係假如講緊要快要方便，又係工中海日升中心附近，都可以一試嘅。

今日點咗黑椒雞卷午餐，雞卷單睇外型份量十足，但略嫌外表顏色未夠吸引，但食落卻有一番驚喜雞卷咬落十分足料，啖啖雞肉，配上陪菜、牛油果、蕃茄和醬汁，認真不俗。醬汁甜甜酸酸，都頗滋味，真係胃口大開午餐配埋指定熱飲都只係$52，係觀塘區呢個價錢嘅午餐嚟講，勝價比煮算幾唔錯，藉得推介另外，餐廳嘅麵豉湯和白飯係免費任添，啱晒一眾大胃王

最近試左e間日式餐廳，入到去都幾多選擇。我今次叫左一口牛套餐同照燒雞套餐。一口牛食落有d燒烤味，加埋蜜糖汁，更美味。照燒雞食落冇雪氣味，仲有甜甜嘅燒烤味。飯係珍珠米，有沙津同芝士獅子狗😋👍🏻成個套都好飽肚。

星期六番工，板上時常都會成為我地既週末飯堂因為星期六人少好多，易搵位平時我都係食開便當餐，今日就試下漢堡甘樣一個set 62, 漢堡包好大份，絕對可以食飽兩個女仔不論包，黑豚肉同生菜，份量都係十分足夠同大份個包明顯烘過黎，有少少外脆內軟黑豚肉夠味而且唔會過肥或者太韌，一片片甘好易咬生菜夠新鮮仲食到鮮味敗筆係中間塊芝士。。。基本上溶唔到，同埋芝士味唔重。。。反而增添膩感，無芝士會更加好薯角好熱辣辣，而且好大舊，有少少薯味添同埋面豉湯係任裝架～～一至五仲可以任裝飯添甘樣只係$62~~~真係好過好多工廈cafe

假日陪媽媽食中午，去左官塘商業區一帶搵野食，見此間門面華麗門外食物相賣相吸引，結果吸引左入內食。餐廳內唔算多客，去到先櫃位點餐俾錢，再自行取餐。食物選擇甚多，揀左我最喜歡的鰻魚飯和媽媽喜歡的牛肉飯。餐來了賣相比預期有點落差，用格仔盤裝載賣相打了點折扣。板上雪花一口牛．珍珠飯 $65以為係鐵板上添，珍珠飯一般唔多圓潤煙韌。唔見有洋蔥牛肉味道一般而已，沒有多惹味，勝在份量唔算少而已。板上蒲燒鰻魚．珍珠飯 $85鰻魚好細份好似無左半咁，感覺唔值依個價錢，鰻魚肉薄身味道一般，燒汁勁少忍唔住走去叫店員加汁，店員都係俾多少少。味噌湯係免費任添的，相信係唯一滿意地方，湯有昆布鹹度適中味道唔錯多幾夠熱。凍檸檬水+凍奶茶跟餐凍飲要加多五蚊，味道不過不失。場內見有充電提供確係貼心服務。

柚子醬黑豚肉飯$62貫徹板上一貫嘅作風，黑豚肉有鑊氣👍🏻 豬有豬味！😂 用嘅係珍珠米，份量偏小～ 另外再配一個小沙律x胡麻醬 和 粟米粒粒！柚子醬用小膠兜另上，分量足夠點黑臀肉，但唔夠撈飯😗 如果可以份量多返少少咁就完美喇呢間分店環境幾寬敞

觀塘出去食lunch，想健康啲又唔貴，搵到一個好選擇。佢有好多唔同肉既飯，雞呀，牛呀，豬呀，魚呀等等。叫左個雙併所以會貴少少，不過又想試三文魚又想試雞。價錢唔太貴，佢既湯同白飯仲可以免費添，好岩男仔，一定夠飽。佢仲有少少菜同粟米。不過下次食我會叫佢走沙律既芝麻醬同燒雞既汁，咁就健康好多。三文魚某香味都幾重，正。雞肉份量都多，又無乜皮，夠lean。因為無走汁，啲飯沾到好多汁變成唔食得。總括而言只要走汁既話，絕對係健康外食！

板上係日升中心行到最入既一間綜合日式加美式美食既地方。餐廳既裝修特別，而且檯與檯之間既空間感闊落，長檯都很有佢地既特色，適合一大班人黎聚會同食飯。每次我都會叫佢既安格斯牛柳粒飯，佢既lunch set擺位非常有日式飯盒既風味，如果厭個飯唔夠汁既話，餐廳服務員都好好，會比多兩盒牛汁比客人，十分有禮貌，而且佢配餐既飲品選擇十分之多，除左一般既可樂雪碧等飲品外，佢地更有有fusion飲品選擇，特色綜合咖啡、涼粉配奶茶。🥰😋👍🏻

食過好多次板上, 但每次都堂食, 好唔好食就見仁見智啦, 但價錢優惠又實際, 係翻工人士平食嘅好選擇。Lunch Time有野做, 為咗爭取時間, 就叫咗Openrice外賣自取。餐廳處理訂單速度好快, 由落單去到餐廳拎外賣都唔洗15分鐘, 整個過程好smooth今次叫咗’板上照燒雞珍珠飯’。雞肉份量夠, 味道足飯亦配上兩款前菜, 粟米牛油味重。午餐可以加配小食, 鍋貼($8/2隻)質素一般, 反而同事嘅’大拇指雞翼’就唔錯。

間中都會到板上吃午餐或晚餐的， 喜歡這裏食物多元化， 有西式，中式和日式， 食物質素方面以這個價錢來說都算合格的。 之前來這裏多數食漢堡包， 今次試下這些日式便當， 點有一個豚肉和一個肥牛日式便當， 日式便當的泛採用珍珠米， 粒粒煙韌有口感， 豚肉和肥牛的質感都可以接受。 配菜有粟米粒和沙律菜， 整體上都很健康的， 還有兩杯飲品可以選擇。店內座位舒適寬闊， 環境清潔乾淨， 食物味道合格， 款式多，以快餐店嚟計這裏都是觀塘上班一族的飯堂好選擇。

星期三中午板上Griddle，食飯時間比較早，有大量空位，唔洗等。餐牌上多唔同種類既鐵板餐亦有啲比較標準既午市套餐。最後就揀左個青魚飯，有中華沙律同粟米做配菜，再加野飲，標準配套。青魚既味道唔算非常特岀，不過以份量黎講就十分滿足。起初喺到諗點解咁標準既日本餐無配湯呢，原來湯係自助式，可以岀去任拎，而且白飯亦都可以自己添加，簡直係大食人既恩物！$50黎講都算係個唔錯既選擇，下一次一定試下佢既鐵板餐！