影片
更多
2019-06-29
238 瀏覽
今日午餐諗住嚟食海南雞飯，點知坐低左嗰下先發現冇哂以往所有泰式午餐，只有車仔麵選擇。既然坐低左，就即管試下味道如何啦。.我叫左米線、清湯、魚腐+墨魚卷+牛腩($43)。男朋友叫左粗麵、腩汁、豬潤+牛腩+九菜餃+另一款餸($49)。.首先，米線淋到似比BB仔食，自己煮都冇咁嬲，咁嘅價錢只有咁嘅質素真係好失望。清湯理所當然都只係味精湯。至於餸，我揀嗰三個都煮住係王牌推介，完全未食過咁難食嘅魚腐。我對魚腐嘅認知係彈牙，有魚味，但佢嘅魚腐似係一舊吸滿水浸到爛溶溶嘅棉花咁，又有魚腥味。墨魚卷同牛腩普普通通。.另一碗粗麵又係淋、唔彈牙，腩汁又係味精，豬潤腥，其他餸都係普通啦。.食物質素已經咁差，員工質素都唔係好得去邊。兩個企門面嘅一男一女後生職員，竟然喺工作時間玩「背脊貼烏龜紙」遊戲，紙上圖文並茂。經理又不出言阻止，只是默默幫佢地一次又一次搣走紙張，間接允許佢地於工作時間玩這個幼稚遊戲，反映了管理層的問題。.本身久唔久都會嚟食午餐，但經過今次之後應該唔會再嚟。
.
我叫左米線、清湯、魚腐+墨魚卷+牛腩($43)。男朋友叫左粗麵、腩汁、豬潤+牛腩+九菜餃+另一款
餸($49)。
.
首先，米線淋到似比BB仔食，自己煮都冇咁嬲，咁嘅價錢只有咁嘅質素真係好失望。清湯理所當然都只係味精湯。至於餸，我揀嗰三個都煮住係王牌推介，完全未食過咁難食嘅魚腐。我對魚腐嘅認知係彈牙，有魚味，但佢嘅魚腐似係一舊吸滿水浸到爛溶溶嘅棉花咁，又有魚腥味。墨魚卷同牛腩普普通通。
.
另一碗粗麵又係淋、唔彈牙，腩汁又係味精，豬潤腥，其他餸都係普通啦。
.
食物質素已經咁差，員工質素都唔係好得去邊。兩個企門面嘅一男一女後生職員，竟然喺工作時間玩「背脊貼烏龜紙」遊戲，紙上圖文並茂。經理又不出言阻止，只是默默幫佢地一次又一次搣走紙張，間接允許佢地於工作時間玩這個幼稚遊戲，反映了管理層的問題。
.
本身久唔久都會嚟食午餐，但經過今次之後應該唔會再嚟。
張貼
