影片
更多
2021-12-02
72 瀏覽
難得今日行街遇上地鐵事故，見到所有巴士站都係人，所以就都係決定喺銅鑼灣食完飯先返屋企，行去美食大集匯金百利，見到有日本菜所以就上去食。雖然係七點半但係已經全場差唔多滿席，不過我都好好彩一個人食飯都可以入去食，座位雖然比較窄不過可接受，見到佢嘅櫃上面有最新嘅動漫公仔！一坐低店員就畀咗一杯暖笠笠嘅茶我，天氣凍嘅時候飲一杯暖茶確係人生享受。喺座位度見到佢哋寫明啲水係還原水，睇嚟對水質好要求。邊飲茶邊睇目錄，然之後就落單啦，叫咗一個蟹肉香芒蟹子沙律，雜錦魚生丼，茶碗蒸，本身諗住嗌一個燒牛舌，不過見到板燒香蒜牛舌，雖然貴多少少但係份量好似大啲，所以都係嗌咗個板燒香蒜牛舌。頭先上菜嘅係香蒜牛舌，一上枱嘅時候係熱辣辣，起曬煙。所以十分之暖胃，蒜味啱啱好，個汁有啲似平時去鋸扒嘅蒜蓉汁味道，唔會話太搶牛舌嘅味道，而且牛舌厚薄適中，加上啲洋蔥係脆口，唔會煮到腍曬，而且牛舌分量都真係幾多，所以覺得自己嘅選擇係冇錯。之後上菜就係雜錦魚生丼，見到佢飯上面有一啲飯素喺度覺得都幾有心思，飯有足夠醋味，不過如果啲飯可以硬啲就更好，魚生份量都係足夠，一邊大概有三至四款刺身，隻甜蝦食完覺得冇雪味，98蚊過得去。蟹肉沙律畀
雖然係七點半但係已經全場差唔多滿席，不過我都好好彩一個人食飯都可以入去食，座位雖然比較窄不過可接受，見到佢嘅櫃上面有最新嘅動漫公仔！一坐低店員就畀咗一杯暖笠笠嘅茶我，天氣凍嘅時候飲一杯暖茶確係人生享受。喺座位度見到佢哋寫明啲水係還原水，睇嚟對水質好要求。邊飲茶邊睇目錄，然之後就落單啦，叫咗一個蟹肉香芒蟹子沙律，雜錦魚生丼，茶碗蒸，本身諗住嗌一個燒牛舌，不過見到板燒香蒜牛舌，雖然貴多少少但係份量好似大啲，所以都係嗌咗個板燒香蒜牛舌。
頭先上菜嘅係香蒜牛舌，一上枱嘅時候係熱辣辣，起曬煙。所以十分之暖胃，蒜味啱啱好，個汁有啲似平時去鋸扒嘅蒜蓉汁味道，唔會話太搶牛舌嘅味道，而且牛舌厚薄適中，加上啲洋蔥係脆口，唔會煮到腍曬，而且牛舌分量都真係幾多，所以覺得自己嘅選擇係冇錯。
之後上菜就係雜錦魚生丼，見到佢飯上面有一啲飯素喺度覺得都幾有心思，飯有足夠醋味，不過如果啲飯可以硬啲就更好，魚生份量都係足夠，一邊大概有三至四款刺身，隻甜蝦食完覺得冇雪味，98蚊過得去。
蟹肉沙律畀嘅沙律醬都好適中，唔會撈完之後啲青瓜有太多沙律醬，食完都唔會覺得有太大罪疚感，芒果係清甜嘅，唔酸幾好，不過如果蟹肉同蟹籽嘅份量可以多啲就更加好！
最後講講佢嘅茶碗蒸，佢嘅蛋味係比較重，係比較硬身，但係都唔會蒸過老，入面除咗有雞肉，冬菇，蟹柳之外，仲見到有一粒好大粒嘅蜆，覺得成個茶碗蒸昇華咗好多！佢普通茶碗蒸已經有蜆肉，相信佢嘅海鮮茶碗蒸應該仲豐富！
張貼
