夢工房西日料理 (已結業)

今日同最愛去食呢間放題，冇影相，亦都唔想晒咁多時間打呢間餐廳的食評，因為唔想晒時間，總結一個字差。首先，一開頭黎的三文魚刺身睇得出好唔新鮮，戴子我覺得好細粒，大約等於手指公指甲咁大（我唔知係咪得我咁唔好彩🤷🏿‍♀️），甜蝦又唔新鮮，有d灰色的疑似卵痴係度（實際我唔知係咩），影響食慾，不過我男朋友話冇咩野，佢話刺身有時係咁，佢有照食但我冇食，另外有松葉蟹刺身，但主觀感覺上同普通蟹柳冇咩分別。另外叫左蕃茄湯底，個湯底偏酸，唔甜。串燒唔夠味，壽司飯唔夠凍，好多件都仲係暖身，仲有黑松露帆立貝壽司，上面d黑松露唔係黑色，顏色似梅菜的顏色擺上面，嚇到我撩走晒d所謂黑松露先敢食。整體來說，好差，而且真心少款另外，有兩次入左張單，但好耐未到，所以問個職員，職員叫我們重新填過，令我感覺間野運作有d亂，因為呢晚人好少，但都出現呢個情況，而且係2次間野都唔係冇好的，火鍋料我叫左墨魚丸，佢係入左好食墨魚丸的貨，炸物都係ok。另外，有apple cider飲，都比較少放題有得飲佢，甜品方面，都算多雪糕揀，值得讚。最後最大的優點係快，因為人好少，所以d野上得好快，um... 其實都唔知好事定壞事。