影片
更多
2009-01-19
38 瀏覽
周日一行六人就係去左生記食飯，地點係灣仔，一入門口已睇到全場爆滿，唔訂位真係九成九等死﹗應該好多都係熟客，老闆娘0係門口一路鬧員工一路就同0的食客打招呼，好不繁忙﹗先來呢度好出名的藕餅﹗用蓮藕粒、蠟肉粒及類似魚肉等製成餅狀，食落蓮藕粒口感很爽很脆，味道不錯。再來是半隻鹽焗雞﹗呢度0的鹽焗雞聽說蘇絲黃都叫好，餐牌上正是有其報紙剪報﹗雞醃得夠味，唔洗蘸任何醬芥已充滿鹹香，亦嫩滑多肉，我自己幾滿意﹗不過食家就話鹹得很，唔好食﹗呢個緊要喇﹗豉油王大蝦，剩惠$450﹗時價野$450一碟蝦大約有十二隻左右，貴囉﹗蝦都幾大隻，是大頭海蝦的一種﹗在西貢及香港仔我也吃過﹗豉油王夠惹味，蝦亦多肉夠爽身，不過無膏就帶感覺帶點失望﹗與西貢的金九記及香港仔漁市場相比，呢度的鮮味程度略遜一籌﹗再加上$450一碟........係人來呢度都會點的生炒骨﹗肉排半肥瘦，入口甘香豐膄，炸粉不厚酸度亦岩岩好，好味﹗不過睇到個碟上面既油，就真係唔多開胃，本來好味的都給這反健康的警示抹去﹗椒鹽鮮魷﹗我的最愛﹗炸粉相當薄身，魷魚就嫌唔太夠彈牙，街外大排檔很多都比呢度做得更好﹗最緊要係個椒鹽落得太多，鹹得很﹗南乳豬手，我唔食呢家野
應該好多都係熟客，老闆娘0係門口一路鬧員工一路就同0的食客打招呼，好不繁忙﹗
先來呢度好出名的藕餅﹗
用蓮藕粒、蠟肉粒及類似魚肉等製成餅狀，食落蓮藕粒口感很爽很脆，味道不錯。
再來是半隻鹽焗雞﹗
呢度0的鹽焗雞聽說蘇絲黃都叫好，餐牌上正是有其報紙剪報﹗
雞醃得夠味，唔洗蘸任何醬芥已充滿鹹香，亦嫩滑多肉，我自己幾滿意﹗不過食家就話鹹得很，唔好食﹗
呢個緊要喇﹗豉油王大蝦，剩惠$450﹗
時價野$450一碟蝦大約有十二隻左右，貴囉﹗
蝦都幾大隻，是大頭海蝦的一種﹗在西貢及香港仔我也吃過﹗
豉油王夠惹味，蝦亦多肉夠爽身，不過無膏就帶感覺帶點失望﹗
與西貢的金九記及香港仔漁市場相比，呢度的鮮味程度略遜一籌﹗再加上$450一碟........
係人來呢度都會點的生炒骨﹗
肉排半肥瘦，入口甘香豐膄，炸粉不厚酸度亦岩岩好，好味﹗
不過睇到個碟上面既油，就真係唔多開胃，本來好味的都給這反健康的警示抹去﹗
椒鹽鮮魷﹗我的最愛﹗
炸粉相當薄身，魷魚就嫌唔太夠彈牙，街外大排檔很多都比呢度做得更好﹗
最緊要係個椒鹽落得太多，鹹得很﹗
南乳豬手，我唔食呢家野，食家話味道一般般吧﹗
泥鯭粥先最激死一眾食友﹗
係見到有魚肉，但食落一0的魚味都無，連我呢個怕魚之人都覺得只是一碗相當普通的粥品，成碗食哂，實在令人懷疑魚與粥是不是分開煮的﹗
全體都為呢碗出名的魚粥而傷痛﹗
苦瓜牛肉，你睇0的油就知...........油過油王比利﹗
仲有梅菜蒸菜心，唔明點解要將呢兩樣食材放埋一齊，菜都係一條條食，梅菜豬肉亦都係一羹羹的用來撈飯，混合在一起有點九唔答八之感﹗
食飽仲有白糖糕送，很清甜沒有街外買的糖酸味，好味﹗
埋單價錢當然不菲，每人二百五蚊，要吃好的小炒可以到大排檔，想吃新鮮的海鮮可以到西貢等，吃了多樣餸也不覺得有何特色之處﹗咁既價錢我出街可以吃兩餐更好的了﹗
也許正如食家所說，這兒是吃人情味，不是吃餸菜之美味﹗
更多相:
http://hk.myblog.yahoo.com/smallsmalllin/article?mid=12781
張貼
