之前都有食開永年嘅車仔麵，味道一向有保證👍🏻，呢次經過沙田新城市廣場，見到呢間永年茶餐廳，嘢食嘅選擇多好多😋，而且座位超闊落，價錢又唔貴，一於試一試
❣️永年大碗麵 $102
永年嘅車仔麵一向都做得唔錯，今次試咗佢哋個招牌永年大碗麵😋，有成10款配料咁多，啱晒有選擇困難症嘅朋友仔😜，碗麵裏面有豬腸、豬紅、豬皮、雞翼、雞翼尖、咖喱魷魚、紅腸、魚蛋、蘿蔔同時菜，所以碗麵超足料，而且配料相當入味，最鍾意豬腸同豬紅😍，配上招牌永年辣醬，辣得好過癮，麵底揀咗油麵，麵質煮到啱啱好👍🏻
❣️加配咖喱魷魚 $18
大碗麵裏面都有咖喱魷魚，略嫌唔夠喉🤣，再加多個小食，咖喱魷魚係沙田分店先有，魷魚彈牙，索晒咖喱嘅味道👍🏻
❣️永年雜扒 $166
見到好多枱客人都食鐵板餐，仲要係沙田分店先有，一定要試吓🤪，一上枱有啲嚇親，雜扒份量大大份，而且熱辣辣，啱晒啲食肉獸，呢個價錢性價比相當高，一份鐵板餐有齊牛扒、豬扒同雞扒，仲有雜菜同薯菜，如果嫌唔夠飽可以轉白飯或者意粉🤣，醬汁有得揀永年招牌辣椒汁🥰，跟餐仲有個牛油果薯仔蝦沙律，味道相當唔錯🤓
❣️懷舊蝦多士 $28
蝦多士炸得相當鬆脆😍，一啲都唔油膩，面頭嘅蝦肉仲好多，相當出色😋
❣️加配抹茶維他奶紅豆冰 $15
❣️加配薑汁維他奶豆花紅豆冰 $15
期間限定維他奶特飲，兩款飲品都相當出色，抹茶維他奶紅豆冰溝埋相當出色，抹茶味冇蓋過維他奶味；薑汁配上維他奶又有另外一番風味，飲落仲有豆腐花加紅豆冰👍🏻
🏦是次消費總額 $378（人均消費 $189）
🍴須加一服務費
👅好味度：9（10分滿分）
今次試咗永年嘅茶餐廳，估唔到食物水準都唔錯，特別推介鐵板餐，份量超足料😊，唔怕食唔飽，餐牌仲有好多其他特色嘅選擇，有機會再試😋
🍽️ 香港永年車仔麵茶冰廳
沙田沙田正街18-19號新城市廣場一期1樓113號舖
