金龍華美食店 (已易手) 新餐廳

我都係嚮往平民地方食嘢呢度我已經間中幫襯好多年。食嚟食去都係水餃米皆因個米粉好幼身好滑！湯濃度又ok，重點係水餃多料好大隻！木耳絲同竹荀絲都夠爽、隻蝦口感唔會好實唔膠、冇宿味、豬肉肥瘦適中，成隻餃有肉香味夠肉汁唔會好油，一啖連皮咬半隻，同一時間咬落所有涵料再加埋個湯加少少浙醋餃皮唔會太厚。有時都要睇彩數，如果餃存放時間唔太耐會新鮮D，餃皮會冇咁實。呢碗麵好似$30有找，好抵！要搵好食嘅水餃確實唔易，我間中都會買一打返屋企自己烚，食唔曬雪住佢，都有一番風味！一打只係$44