蠔站 (將軍澳中心) (已結業)

Lunch 悶悶地，想食塊扒但又唔想食太貴，所以揀左黎呢度。其實佢地野食呢個價錢，水準真係算好均真，特別個10蚊蠔。但真心想提提lunch 個dessert ..其實真係可以delete 左佢, 有d無啦啦整撻啦既感覺。另外想比少少意見既係，唔知係未我地去既時間佢地開始放break, floor 剩返一兩個人。目測其實餐廳都係得兩台客仔。本身有個幾好禮貌既auntie,跟住可能落左場，後尾有個樓面哥仔好似夢遊緊咁，舉手又唔係好睇到，水吧哥仔整好野飲放左係度一陣仲要提佢送比我地。最搞笑係後尾疑似經理既男子返黎，我地話個甜品可以上，佢個樣忽然黑左 🤷🏻‍♀️🤷🏻‍♀️🤷🏻‍♀️我真係十萬個黑人問號。