影片
更多
2016-05-03
1141 瀏覽
是日提早慶祝母親節, 位於黃金海岸既"粵"一向都係我最喜愛既飲茶地點之一, 入面環境舒適, 而且價錢相宜, 比一般連鎖酒樓貴大概3分之1, 但付出多3分之1既價錢會讓人覺得物超所值."粵"在假日常滿, 建議必需提早訂檯, 而且個人認為在假日"粵"既食物及服務質數都比平日低, 如果想好好品嚐既話最好就係平日黎.由於一早已訂檯而且時間早, 於是是日一來到就已被安排入座, 有時假日就算已訂檯都要等一陣先有位置."粵"有幾樣點心我係10分之推介既:冰鎮豬腳仔 - 每次黎到都必點, 有D滷水味又有D花彫味, 作為前菜係10分開胃, 而且豬腳仔十分爽口, 一點都感覺唔到膩, 份量亦都非常充足.第1次點既海哲頭 - 係麻油+醋既味道, 又係開胃小點, 其實味道係10分可口, 我個人係好喜歡海哲頭既口感, 十分脆口, 不過以$138既價錢黎講, 份量就略嫌少, 下次可能會考慮過再點.脆皮帶子腸粉 - 又係必點食物, 100分推介, 外面係腸粉包住入面既脆皮, 脆皮入面係帶子, 脆皮炸得非常鬆脆但入面既帶子又不會過老, 而且食得出帶子既鮮味, 再加上外面既腸粉一齊放入口, 呢個腸粉既口感味道各方面都層次
"粵"在假日常滿, 建議必需提早訂檯, 而且個人認為在假日"粵"既食物及服務質數都比平日低, 如果想好好品嚐既話最好就係平日黎.
由於一早已訂檯而且時間早, 於是是日一來到就已被安排入座, 有時假日就算已訂檯都要等一陣先有位置.
"粵"有幾樣點心我係10分之推介既:
冰鎮豬腳仔 - 每次黎到都必點, 有D滷水味又有D花彫味, 作為前菜係10分開胃, 而且豬腳仔十分爽口, 一點都感覺唔到膩, 份量亦都非常充足.
第1次點既海哲頭 - 係麻油+醋既味道, 又係開胃小點, 其實味道係10分可口, 我個人係好喜歡海哲頭既口感, 十分脆口, 不過以$138既價錢黎講, 份量就略嫌少, 下次可能會考慮過再點.
脆皮帶子腸粉 - 又係必點食物, 100分推介, 外面係腸粉包住入面既脆皮, 脆皮入面係帶子, 脆皮炸得非常鬆脆但入面既帶子又不會過老, 而且食得出帶子既鮮味, 再加上外面既腸粉一齊放入口, 呢個腸粉既口感味道各方面都層次分明, 實在值得一點再點.
右上既係蛋白帶子炒飯, 幾乎10次有8次都係點呢個作主食, 炒飯粒粒分明而且乾身, 配上蛋白帶子及介蘭頭, 味道偏淡而不失帶子鮮味, 值得一試.中間既係小籠包, 呢個試完下次唔會再點, 個皮十分厚, 包入面幾乎無肉汁, 放左一陣已經完全變形, 呢個係暫時係"粵"食到較為差既點心.
下面叉燒包, 呢個無特別, 同平常酒樓食到既叉燒包無異, 可點可不點.
曾獲米芝蓮星級推介既粵水準一向穩定, 而且價錢公道, 附近黃金海岸景致清幽, 實在適宜專程到來一試.
題外話/補充資料：
結賬時可以提供AISA MILES A/C儲里數, 而且在酒店餐廳消費憑單可以到酒店既兒童PLAYHOUSE(要另收費), 都算係親子既好去處.
(以上食評乃用戶個人意見 , 並不代表OpenRice之觀點。)
張貼
