粵 (香港黃金海岸酒店)

YUE (香港黃金海岸酒店)
59
6
1
餐廳: 粵 (香港黃金海岸酒店)
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
餐廳: 粵 (香港黃金海岸酒店)
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

所有分店 (1)
電話號碼
24528668
開飯介紹
「粵」以各款匯聚傳統特色和嶄新創意的新派粵菜馳名,並於 2014 年起成為​《米芝蓮指南香港澳門》推介餐廳之一​。客人可於閒適氣氛下一邊眺望翠綠園林,一邊享用巧手佳餚。餐廳更設有廂座,適合情侶、三五知己及家庭聚餐。 繼續閱讀
特色
同客食飯
營業時間
今日營業
11:30 - 15:00
18:00 - 22:00
星期一至五
11:30 - 15:00
18:00 - 22:00
星期六至日
10:30 - 15:00
18:00 - 22:00
公眾假期
10:30 - 15:00
18:00 - 22:00
公眾假期前夕
11:30 - 15:00
18:00 - 22:00
付款方式
Visa Master 現金 AE
座位數目
180
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務
加一服務費
室外座位
有關餐廳
「粵」以各款匯聚傳統特色和嶄新創意的新派粵菜馳名,並於2014、2015及2016年入選《米芝蓮指南香港澳門》。您可於戶外茶座的閑適氣氛下眺望優美海景,享用巧手佳餚,餐廳更設有廂座,適合情侶、三五知己及家庭聚餐。

優惠
餐廳: 粵 (香港黃金海岸酒店)
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (95)
等級2 2021-01-24
398 瀏覽
疫情期下我多咗嚟飲茶,因為鍾意唔使坐得咁密,枱與枱之間都比較闊落,用餐環境都算舒服,今日第一次點左個燕窩蛋撻,十分有驚喜有圖有真相並不是薄薄地一塵,啖啖口感正呀!因為好鍾意食叉燒嘅關係,分別叫咗叉燒腸(皮薄)同叉燒包都係好多叉燒,足料跟住叫咗個香芋天鵝酥,除咗香芋之外入面仲有其他餡,都算皮薄,其實佢樣樣都唔錯今日叫咗七個點心,冇叫到粉面,買單五百幾蚊,如果有揸車$500酒店就可以免費泊車(應該係兩個鐘?)另外都有3個套餐,不過我未試過 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-12
317 瀏覽
The restaurant n food are great. Never fail each time I visited. Service staff are friendly n cleanliness is wonderful. Hard to find any place nearby among yuen long, tuen mun and tsw area. Worthy to go especially for family gathering.Wonderful place for dim sum n dinning. 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-30
374 瀏覽
每次踏足屯門黃金海岸酒店,頓時覺得在度假,心境也份外舒暢,其實在大家心目中,度假當然吃自助餐,無錯,雖然這裡的自助餐是幾吸引,但是「粵」中菜也有股令人難以抗拒的「味」力,「粵」匯聚傳統特色和創意的新派粵菜,更連續3年入選《米芝蓮指南香港澳門》,不用多說都知道食物肯定有保證,除了不定期的推出時令美饌外,其招牌菜式同樣令人回味無窮。刺參含豐富的膠質,可補骨骼的磨損,同時蛋白質含量十分高,這道「脆皮桂花刺參 」$368,大廚只需簡單的調味,入口時那肉質爽口彈牙,口感腍滑,好滋味呀!足料的「龍皇杏汁花膠橔白肺湯」 ,湯料都好滋味。「鵝肝脆香乳豬夾」$238 則是巧妙的把中國燒乳豬、青瓜及法國鵝肝夾在一起,再以米通墊底,直送嘴裏,上層香脆,中層爽口與香嫩,底層爽口,在口腔內調和一體,滋味回甘,特別好味有口感。我最愛飲湯,喝一口「龍皇杏汁花膠橔白肺湯」 例窩 $458,杏仁的香氣充斥著口腔,加上軟滑的花膠,感覺十分滋潤,還很養顏。「鮑魚汁原隻南非鮮鮑魚伴鵝掌菜膽 」每位$248,好味到真是不得了,原隻鮑魚肉厚軟腍,鮑魚汁餚製的鵝掌,吸盡鮑魚汁精華,入口即溶兼豐腴味美,配上清甜爽口的菜膽,簡直是完美的組合。柚皮雖不是什麼矝的食物,但功序果真不少,先把柚子剝皮沖洗乾淨,再重覆的用水泡浸,目的是要去除柚子的苦澀味,再去調烹,在坊間已是賣少見少有師傅願意去做,但這裡的「蝦子扒柚皮」$168,厚肉的柚皮炆得又腍又入味,與蝦子簡直是無敵組合超愛,每一口都軟腍入味,好滋味呢!斜切成段的「薑汁炒芥蘭」$108,跟香辣的薑汁同炒,令芥蘭的香味昇華,入口有獨特的甘香,味道爽脆鮮甜,十分清新。肥而不膩的「生炒臘味糯米飯」$198,粒粒米飯軟糯適中又有咬感,每粒米飯都沾上濃厚醬油,特瘦的臘腸,加上瑤柱、冬菇、蝦乾,花生、蔥花、蛋絲....陣陣臘味的香,層次感豐富,為秋冬暖胃之選。「楊枝甘露」酸酸甜甜,冰冰涼涼,配上一些時令水果,材料豐富,還有精緻的甜點為一頓晚餐作結,好滿足。「粵」地址:屯門香港青山公路1號香港黃金海岸酒店低層地下電話:24528668 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-05
2204 瀏覽
特意把文章放在正式退休後的日子。早前稍微放鬆的疫情下,剛好來得及一個八人飯局。「香港黃金海岸酒店」粵中菜廳,地點看似有點隔涉,但對於曾在屯門度過新婚生活的日子,實在是一個美好的回憶。可能大家都鬱悶得太耐,是晚雖然是平日,但不論中菜,又或是旁邊的自助餐,都是高朋滿座,氣氛炒得火熱。菜單是朋友精心挑選,餐前先啃著美味的合桃粒,聊聊天。餐前小食是「香糟鮑片拌海蜇頭」,鮑片薄切下,香糟更入味;海蜇只挑爽勁的海蜇頭,經冰鎮過更覺清新。好奇怪,自從多了點心放題後,好多酒店中菜廳都有蝦多士出現,水準雖然不俗,但部份出品美中不足,今次「鍋貼大蝦多士伴鮮果」炸得毫不油膩,酥化可口,灑上少許金華火腿茸,帶出咸香感,再落些少甜酸汁,更有畫龍點睛的效果;拌碟的鮮果,有著平衡的作用,好味。至於新菜式中,「鵝肝片皮乳豬及蜜汁叉燒」是一門雙傑,自家出品的燒味,令人想起戶外的烤琵琶鴨,一邊是乳豬配鵝肝,但加入日式壽司的元素,上而下是乳豬片、青瓜、鵝肝及米通,四層各有不同口感,令人驚喜;而另一邊是充滿蜜味的叉燒,有嚼口更加想配碗白飯。係時候來個湯品,以「菌中之王」鮮松茸入饌的「鮮松茸鮑魚燉雞湯」,實在芳香馥郁,湯色清澈,入口甘甜醇厚,正。主菜「蜜汁火方伴油泡碧綠帶子」有點破格,兩款熱葷同時出現,杭州菜館常見的蜜汁火方吃過不知多少次,既有以桂花蜜燴至汪洋一片的版本,又有經蜜汁燴過再風乾的版本,但今次將乾身版本跟油泡帶子放埋一齊,賣相的確更好,亦帶出咸甜的對立感,但恐怕火腿沾上帶子的醬汁,令味道有所改變。火肪好乾身,放入熱燙的荷葉包內,加上蜜汁蓮子及代替炸腐皮的芝麻薄脆,不單增添了變化,而且口感更具層次。至於「油泡碧綠帶子」,很有喜宴菜的氛圍,帶子火喉啱啱好,薄薄的芡汁,很教人喜歡。所謂「無雞不成宴」,這道「陳皮韭菜生煎雞」勾起些少回憶,當年成班食友去荔枝角羈留所開餐,其中一味就係生煎焗雞球,今日重遇,加入陳皮元素理應更幽香,但陳皮味道稍淡,不妨重手些少,雞皮煎得香脆可口,亦自有動人之處。簡單的炒碟菜,顯不出酒店的功架,帶點手功菜感覺的「金湯西紅柿會上素」,味道清新,正好平衡了口感。人生第一碗雲南米線,就係係深圳品嚐,熱燙的石鍋,冒著氣泡的雞湯,把素菜、腩肉及生鵪鶉蛋一一傾倒,最後加入米線,一碗熱辣辣的雲南米線便呈現眼前,尤其是在寒冷的冬天吃上一口,真是暖在心頭。以過橋米線做單尾,有點別出心裁的感覺,係酒店品嚐「雲南石鍋風味過橋米線」,材料自然更加多,擺滿半張檯,由韭菜、花生、豆干、鵪鶉蛋、什菌、班片到蛋絲、芫荽,足足有15樣,再點師傅放入滾熱辣的湯內燙熟,米線蘸滿了濃稠的雞湯,鮮美到一個點。甜品是「南安子燉桃膠」,作為近年甜品的常客,桃膠的可塑性甚高,配以少見的南安子,清甜滋潤,好啱自己胃口。另一道甜品「玫瑰火腿酥餅」確實帶給人驚喜,以芳香馥郁的玫瑰花蜜溶入金華火腿茸,咸甜夾雜,入口酥化,配上一杯香濃的普洱,真是無以尚之的享受。至於「香芒凍布甸」則鮮甜滑溜,找不到挑剔的地方。壓軸是送上壽桃包,慶祝席間生日的朋友,難得是在疫情肆虐的日子,依然有人記得大家的生日,人間的確是充滿了「愛」,祝願大家身體健康,每日都開開心心,期待有天大家脫下口罩,展露開朗的笑容! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-30
1023 瀏覽
還記得上一次來屯門黃金海岸嘅粵,已經係五年前嘅事,那餐晚飯驚喜不斷,吃得非常高興,什麼格蘭焗釀鮮蟹蓋、雲海麒麟星斑卷和鳯躍天仙,樣樣都係有姿勢有實際,係當年吃過一餐不錯的一個經驗。五年來,來過黃金海岸幾次,但都未有機會食番粤,今晚終於有朋友提議嚟呢度食飯,一於同埋老婆過來吃晚飯。事先沒有特別提議過食乜嘢menu,又冇話特別想食番嗰陣嘅菜式,相反,就叫師傅提議下有乜嘢新菜式可以食,同五年前排場不同,不過今晚驚喜更加大。席上有朋友有值得慶祝嘅事,先飲杯再祝大家身體健康。先上場嘅係香糟鮑片伴海蜇頭,鮑片好爽,雖然唔係好大隻嘅品種但係配上香糟,味道獨特,同海蜇頭嘅爽相映成趣,最重要夠凍,最適合而家大熱天時食。鍋貼大蝦多士伴鮮果,蝦多士的品質同做得好出色嘅港大同學會最高峰時期有過之而無不及,加上那些甜到不行的鮮果,又係令人回味,再加啲秘製嘅汁,好開胃。然後是燒味的時間,鵝肝片皮乳豬件加蜜汁叉燒,從來冇諗過鵝肝襯乳豬係會咁夾,加埋個米通,個皮脆到落地有聲,好特別。蜜汁叉燒平日吃得太過多,精彩的比比皆是,今日呢個相對水準正常。飲一口鮮松茸鮑魚燉雞湯,固中鮮甜甜在心,松茸鮑魚燉雞,勁多料,吃料都吃不停。然後應該係是晚另一特別嘅菜式,蜜汁火方伴油泡碧綠帶子。蜜汁火方好靚,就咁食太鹹,夾個飽再加脆脆,另一個好味嘅食法。碧綠帶子,雖然用油泡,不過都可以解火方嘅輕微油份,隨帶子附送嘅蔬菜,鮮甜得來時間又正好。個人私心都幾喜歡呢個陳皮韭菜生煎雞,聽朋友說上次食呢個菜式嘅時候陳皮味非常出眾,今日反而唔夠勁,韭菜生煎雞味道當然出眾,不過如果陳皮味強多一點嘅話應該整體會好好多。金湯西紅柿燴上素,又係另一個夏日傾情嘅菜式,平時食菜來來去去都係果幾樣,但呢個配搭就非常新鮮 ,整個西紅柿甜到食糖咁,加上了入面嘅菇和菜類,再飲淡湯,好refreshing,直頭冇諗過會咁好食,絕對是一個大驚喜。單尾絕對係點題作,雲南石窩風味過橋米線,之前係嗰個人嘅Facebook同IG post相後,好多人即刻問喺邊度,排場咁大嘅米線應該好少見,可以比較係長沙灣嘅雲南風味人家,但當然嗰種排場同呢個係兩回事,我也不說什麼過橋米線嘅前世今生了,但呢度係你面前用石鍋加上煲熱嘅湯,加上十五種不同配菜(多到我都費事寫),即整即食熱辣辣最好。我相信咁樣食法,酒店方面真係呢度認第一,無人認第二,特別外號雲南米線嘅朋友,一定要來試試。唯一一個缺點,我會覺得可以有少少炸醬辣辣地會惹味啲,希望下次黎會有辣度可以選擇。甜品當晚吃的有南安子燉桃膠,玫瑰火腿酥餅和香芒凍布甸,特別係南安子燉桃膠貴氣逼人,女士最適宜吃。玫瑰火腿酥餅都好食,但會太肥太油,最後的香芒凍布甸,當然係消暑傑作。呢個酒店食米線嘅經驗,不錯,咁新鮮絕對要試,不過暫時都只得兩人一齊先可以黎到,要記住啦。粵 屯門香港青山公路1號香港黃金海岸酒店低層地下 繼續閱讀
(以上食評乃用戶個人意見 , 並不代表OpenRice之觀點。)