影片
更多
2023-03-06
32 瀏覽
同朋友慶祝生日，佢話想食海鮮，搵咗好耐，兩個人又冇理由食中菜嘅海鮮，西餐海鮮，呢間見到網上介紹好似幾好，所以試吓，食完之後果然真係性價比高，幾百蚊有齊前菜、餐湯，海鮮籃，同埋意粉，仲叫咗兩杯酒，兩個人傾吓傾吓就三個鐘頭，朋友好滿意，我都好開心·套餐先來兩個湯，一個龍蝦湯一個蘑菇湯，味道都好濃郁，而且好creamy, 蟹餅好大個，真係食到蟹肉，而且煎得好香脆。主角嚟啦就係呢個海鮮藍，我哋揀咗三款海鮮，有小龍蝦海蜆同埋海蝦，我揀咗個醬汁係Mix and match，有少少辣味，但係又帶到海鮮嘅鮮味出嚟，三款海鮮入邊我最鍾意佢嘅蝦，大大隻好彈牙好好味，海蜆亦都好有肉地，估唔到粟米超甜，但面頭有海鮮汁，真係好好味。其實食完個海鮮已經好飽，最後上埋個黑松露意大利飯，估唔到份量好多，不過一上枱已經聞到黑松露味，意大利飯軟硬適中，大啡菇吸晒入邊啲汁，雖然好飽但我哋竟然都可以食晒，就知真係好味，真係非常滿足咁離開，呢間餐廳坐得舒服，食物亦做得好有質素，絕對可以再嚟！
同朋友慶祝生日，佢話想食海鮮，搵咗好耐，兩個人又冇理由食中菜嘅海鮮，西餐海鮮，呢間見到網上介紹好似幾好，所以試吓，食完之後果然真係性價比高，幾百蚊有齊前菜、餐湯，海鮮籃，同埋意粉，仲叫咗兩杯酒，兩個人傾吓傾吓就三個鐘頭，朋友好滿意，我都好開心·
套餐先來兩個湯，一個龍蝦湯一個蘑菇湯，味道都好濃郁，而且好creamy, 蟹餅好大個，真係食到蟹肉，而且煎得好香脆。
主角嚟啦就係呢個海鮮藍，我哋揀咗三款海鮮，有小龍蝦海蜆同埋海蝦，我揀咗個醬汁係Mix and match，有少少辣味，但係又帶到海鮮嘅鮮味出嚟，三款海鮮入邊我最鍾意佢嘅蝦，大大隻好彈牙好好味，海蜆亦都好有肉地，估唔到粟米超甜，但面頭有海鮮汁，真係好好味。
其實食完個海鮮已經好飽，最後上埋個黑松露意大利飯，估唔到份量好多，不過一上枱已經聞到黑松露味，意大利飯軟硬適中，大啡菇吸晒入邊啲汁，雖然好飽但我哋竟然都可以食晒，就知真係好味，真係非常滿足咁離開，呢間餐廳坐得舒服，食物亦做得好有質素，絕對可以再嚟！
張貼
